શંકર મહાદેવન અને ઝાકિર હુસૈનના બેન્ડે ગ્રેમી જીત્યો: આલ્બમ ‘ધીસ મોમેન્ટ’ બેસ્ટ ગ્લોબલ મ્યુઝિક આલ્બમ બન્યું, બાંસુરી વાદક રાકેશ ચૌરસિયાને પણ બે અવોર્ડ

66માં ગ્રેમી અવોર્ડમાં ભારતીય સિંગર શંકર મહાદેવન અને તબલાવાદક ઝાકિર હુસૈનને ગ્રેમી અવોર્ડ મળ્યો છે. બંને દિગ્ગજ કલાકારોના બેન્ડ ‘શક્તિ’ના આલ્બમ ‘ધીસ મોમેન્ટ’ને બેસ્ટ ગ્લોબલ મ્યુઝિક આલ્બમની કેટેગરીમાં આ અવૉર્ડ મળ્યો હતો. આ આલ્બમમાં કુલ 8 ગીતો છે.

શંકર મહાદેવન, ઝાકિર હુસૈન અને તેમના બેન્ડના સભ્યો ગ્રેમી અવૉર્ડર્ડ સાથે

શંકર મહાદેવન, જોન મેકલોફલિન, ઝાકિર હુસૈન, વી સેલ્વગણેશ અને ગણેશ રાજગોપાલન જેવા કલાકારો આ બેન્ડમાં સાથે કામ કરે છે. આ બેન્ડ ઉપરાંત બાંસુરી વાદક રાકેશ ચૌરસિયાએ પણ બે ગ્રેમી અવૉર્ડ જીત્યા છે.

અવૉર્ડ જીત્યા બાદ સ્ટેજ પર ખુશી વ્યક્ત કરતા શંકર મહાદેવન

‘ગ્રેમી અવૉર્ડ’ એસંગીતની દુનિયામાં આપવામાં આવતો સૌથી મોટો અવૉર્ડ છે. લોસ એન્જલસમાં Crypto.com એરેના ખાતે અવૉર્ડ સમારોહ યોજાઈ રહ્યો છે.

45 વર્ષ પછી રિલીઝ થયેલું પહેલું આલ્બમ, 1973માં શરૂઆત કરી
ફ્યુઝન બેન્ડ શક્તિએ 45 વર્ષ પછી તેનું પહેલું આલ્બમ બહાર પાડ્યું, જેને સીધો ગ્રેમી અવૉર્ડ મળ્યો છે. ઇંગ્લિશ ગિટારવાદક જોન મેકલોફલિને ભારતીય વાયોલિન વાદક એલ. શંકર, તબલાવાદક ઝાકીર હુસૈન અને ટી.એચ. વિક્કુ વિનાયક્રમ સાથે ફ્યુઝન બેન્ડ ‘શક્તિ’ની શરૂઆત કરી. પરંતુ 1977 પછી આ બેન્ડ બહુ એક્ટિવ ન હતું.

ફ્યુઝન બેન્ડ શક્તિના સભ્યો સાથે ઝાકિર હુસૈન અને શંકર મહાદેવન

1997માં જોન મેકલોફલિને એ જ ખ્યાલ પર ફરીથી ‘રિમેમ્બર શક્તિ’ નામનું બેન્ડ બનાવ્યું અને તેમાં વી. સેલ્વગનેશ (ટી.એચ. ‘વિક્કુ’ વિનાયક્રમનો પુત્ર), મેન્ડોલિન પ્લેયર યુ. શ્રીનિવાસ અને શંકર મહાદેવન છે. 2020માં બેન્ડ ફરીથી એકસાથે આવ્યું અને ‘શક્તિ’ તરીકે તેઓએ 46 વર્ષ પછી તેમનું પહેલું આલ્બમ ‘ધીસ મોમેન્ટ’ રિલીઝ કર્યું.

ગ્રેમી પુરસ્કાર વિજેતાઓની લિસ્ટ