4 મિનિટ પેહલા
- કૉપી લિંક
‘સિંઘમ અગેઇન’ 2024ની સૌથી વધુ રાહ જોવાતી ફિલ્મોમાંથી એક છે. રોહિત શેટ્ટીની આ ફિલ્મના ટ્રેલરની ચાહકો આતુરતાથી રાહ જોઈ રહ્યા છે. રિપોર્ટ્સ અનુસાર ‘સિંઘમ અગેઈન’નું ટ્રેલર 7 ઓક્ટોબરે એક ભવ્ય ઈવેન્ટમાં રિલીઝ થઈ શકે છે. જો કે હજુ સુધી આ અંગે કોઈ સત્તાવાર નિવેદન બહાર આવ્યું નથી. આ ફિલ્મમાં અજય દેવગન, કરીના કપૂર સાથે ઘણા સ્ટાર્સ જોવા મળવાના છે.
સિંઘમ-3નું ટ્રેલર 7 ઓક્ટોબરે રિલીઝ થશે બોલિવૂડ હંગામાના અહેવાલ મુજબ, ફિલ્મ સિંઘમ અગેઈનનું ટ્રેલર 7 ઓક્ટોબરે મુંબઈમાં નીતા-મુકેશ અંબાણીના કલ્ચરલ સેન્ટરમાં એક ઈવેન્ટ દરમિયાન લોન્ચ થઈ શકે છે. આ અવસર પર અજય દેવગન, દીપિકા પાદુકોણ, કરીના કપૂર ખાન, ટાઈગર શ્રોફ, અર્જુન કપૂર, જેકી શ્રોફ, રણવીર સિંહ અને અક્ષય કુમાર પણ હાજર રહે તેવી શક્યતા છે. નિર્માતાઓ ઇચ્છે છે કે ટ્રેલર ફિલ્મ જેટલું ભવ્ય હોય.
‘સિંઘમ અગેઇન’એ રિલીઝ પહેલા 200 કરોડની કમાણી કરી લીધી છે પિંકવિલાના રિપોર્ટ્સ અનુસાર ‘સિંઘમ અગેઈન’ના સેટેલાઇટ, ડિજિટલ અને મ્યુઝિક રાઇટ્સે 200 કરોડ રૂપિયાથી વધુની કમાણી કરી છે. અજય દેવગન અને રોહિત શેટ્ટી માટે આ સૌથી મોટી નોન થિયેટ્રિકલ ડીલ સાબિત થઈ છે. લોકોની જબરદસ્ત માગને કારણે રોહિત શેટ્ટીની ફિલ્મોએ હંમેશા સેટેલાઇટ પ્લેયર્સ પાસેથી મોટી રકમની કમાણી કરી છે. તે જ સમયે, ડિજિટલ પ્લેયર્સે ‘સિંઘમ અગેઇન’ને પ્રીમિયમ કિંમત પણ આપી છે.
‘સિંઘમ-3’માં સલમાનનો કેમિયો નહીં હોય હાલમાં જ એવી ચર્ચા હતી કે, ‘સિંઘમ અગેઇન’માં સલમાન ખાન અને સાઉથના સુપરસ્ટાર પ્રભાસ પણ જોવા મળી શકે છે. સાંભળવામાં આવ્યું હતું કે. સલમાન તેમાં ‘દબંગ’ પાત્ર ચુલબુલ પાંડે તરીકે એન્ટ્રી કરશે. જો કે, પ્રભાસ વિશે હજુ સુધી કોઈ માહિતી જાહેર કરવામાં આવી નથી, જો ઇ-ટાઇમ્સના અહેવાલનું માનીએ તો, સલમાન આ ફિલ્મનો ભાગ નહીં હોય.
‘સિંઘમ અગેઇન’ દિવાળી પર રિલીઝ થશે નોંધનીય છે કે, ‘સિંઘમ અગેઇન’ આ વર્ષે દિવાળીના અવસર પર સિનેમાઘરોમાં રિલીઝ થશે, જ્યાં તેની ટક્કર કાર્તિક આર્યનની ફિલ્મ ‘ભૂલ ભુલૈયા 3’ સાથે થશે.
