‘હીરામંડી’ની સક્સેસ પાર્ટી: સોનાક્ષી સિન્હા, રિચા ચઢ્ઢા અને અદિતિ રાવ હૈદરી પહોંચ્યા; ‘મલ્લિકાજાન’ મનીષા કોઈરાલા પણ જોવા મળી

મુંબઈના બાંદ્રામાં આજે ‘હીરામંડી’ની સક્સેસ પાર્ટીનું આયોજન કરવામાં આવ્યું હતું. આ સક્સેસ પાર્ટીનું નામ ‘જશ્ન-એ-હીરામંડી’ રાખવામાં આવ્યું હતું. સિરીઝ સાથે જોડાયેલી આખી સ્ટારકાસ્ટ અહીં પહોંચી હતી. તમામ લોકો ટ્રેડિશનલ ડ્રેસમાં અહીં પહોંચ્યા હતા. નિર્દેશક સંજય લીલા ભણસાલી સહિત તમામ પુરૂષ કલાકારો પઠાણી કુર્તા-પાયજામામાં પહોંચ્યા હતા. સિરીઝની અભિનેત્રીઓ સલવાર સૂટ, લહેંગા અને સાડીમાં પહોંચી હતી.

જુઓ આ ઇવેન્ટની ખાસ તસવીરો..
પ્રેગ્નન્ટ રિચા ચઢ્ઢા લાલ અનારકલી ડ્રેસમાં ઈવેન્ટમાં પહોંચી હતી. તેણે સિરીઝમાં લજ્જો બાઈનું પાત્ર ભજવ્યું છે.

સોનાક્ષી સિન્હા બ્લેક સૂટમાં જોવા મળી હતી. તેણે આ સિરીઝમાં ફરીદાનની ભૂમિકા ભજવી છે. તેના રોલના પણ ખૂબ વખાણ થયા છે.

મલ્લિકાજાન સિરીઝની મુખ્ય પાત્ર એટલે કે મનીષા કોઈરાલા પણ પીળા સૂટમાં ઈવેન્ટમાં પહોંચી હતી. તેનું પાત્ર આ સિરીઝમાં સૌથી શક્તિશાળી બતાવવામાં આવ્યું છે.

બિબ્બોજન તરીકે પોતાની નિર્દોષતાથી દર્શકોને પ્રભાવિત કરનાર અભિનેત્રી અદિતિ રાવ હૈદરી પણ જોવા મળી હતી.

આલમઝેબ એટલે કે શર્મિન સેહગલે પણ પોતાની હાજરી નોંધાવી હતી. શર્મિન સેહગલ સંજય લીલા ભણસાલીની ભાણી પણ છે.

સિરીઝમાં હંમેશા વિશ્વાસઘાતનો સામનો કરનાર વહીદા બેગમ એટલે કે સંજીદા શેખ પણ સક્સેસ પાર્ટી માણવા આવી હતી.

હીરામંડી બનાવનાર ડાયરેક્ટર સંજય લીલા ભણસાલી ખાસ પઠાણી કુર્તામાં ઈવેન્ટમાં હાજરી આપવા પહોંચ્યા હતા.

લાંબા સમય બાદ ‘હીરામંડી’થી પરત ફરેલા અભિનેતા ફરદીન ખાન પણ પહોંચ્યા હતા. તેણે સિરીઝમાં નવાબ વલી મોહમ્મદની ભૂમિકા ભજવી હતી.

સિરીઝનું સૌથી મોટું સરપ્રાઈઝ એલિમેન્ટ, તાહા શાહ પણ બ્લેક ડ્રેસમાં ઈવેન્ટમાં પહોંચ્યો હતો. તેણે નવાબ તાજદારની ભૂમિકા ભજવી છે.

શેખર સુમન અને અધ્યયન સુમને એકસાથે પોઝ આપ્યો. પિતા અને પુત્ર બંનેએ પોતપોતાની ભૂમિકાઓથી સિરીઝને પ્રભાવિત કરી છે.

સંજય લીલા ભણસાલીએ સિરીઝની અભિનેત્રીઓ સાથે ​​​​​ફોટોઝ ક્લિક કરાવ્યા હતા.