સ્વરા ભાસ્કરનું એક્સ એકાઉન્ટ ફરી ચાલું થયું: એક્ટ્રેસે પોસ્ટ શેર કરીને આપી માહિતી, લખ્યું- હું ખોટા સિક્કાની જેમ પાછી આવી ગઈ

અભિનેત્રી સ્વરા ભાસ્કરનું એક્સ-અકાઉન્ટ સસ્પેન્ડ અને હેક થયા પછી પાછું શરૂ થઈ ગયું છે. તેણે રવિવારે પોતાના સોશિયલ મીડિયા હેન્ડલ પર એક પોસ્ટ શેર કરીને આ સમાચાર આપ્યા હતા. તેણે આ પ્રક્રિયા દરમિયાન તેને ટેકો આપનારાઓનો પણ આભાર માન્યો. અગાઉ સ્વરાએ જણાવ્યું હતું કે તેનું એક્સ એકાઉન્ટ હેક થઈ ગયું છે.

સ્વરાએ એક્સ એકાઉન્ટ પર પોસ્ટ શેર કરી સ્વરાએ તેના એક્સ એકાઉન્ટ પર તે ફરી શરૂ થઈ ગયા અંગે પોસ્ટ શેર કરી, જેમાં લખ્યુ છે- “અને હું ખોટા સિક્કાની જેમ પાછી આવી ગઈ છું,” તેમણે પોસ્ટમાં લખ્યું- મદદ કરનાર દરેકનો આભાર. ચાહકોએ પોસ્ટ પર પ્રતિક્રિયા આપી અને સ્વરાને અભિનંદન આપ્યા. તેમણે X પર સ્વરાના પાછા ફરવા પર ખુશી વ્યક્ત કરી. તે જ સમયે, સ્વરાએ પણ ચાહકો માટે આભાર વ્યક્ત કર્યો.

સ્વરાનું એકાઉન્ટ હેક થયું હતું. અગાઉ સ્વરાએ લખ્યું હતું કે, ‘અને હવે એવું લાગે છે કે મારું ટ્વિટર/એક્સ એકાઉન્ટ હેક થઈ ગયું છે.’ તેણે ઇન્સ્ટાગ્રામ પર ઘણી સ્લાઇડ્સ શેર કરી, જેમાંની એકમાં લખ્યું હતું, “મારા એક્સ એકાઉન્ટ સાથે વધુ એક નાટક.” તેણે ટીમ X ના અપડેટ્સના સ્ક્રીનશોટ પણ શેર કર્યા, જેમાં જણાવાયું હતું કે તેનું એકાઉન્ટ કોઈ બીજા દ્વારા ઓપરેટ થઈ રહ્યું હતું.

કોપીરાઈટ ઉલ્લંઘનનો પણ આરોપ લાગ્યો હતો બીજી સ્લાઇડમાં તેમણે કોપીરાઇટ ઉલ્લંઘનના આરોપો વિશે વાત કરી. સ્વરા ભાસ્કર હંમેશા પોતાના વિચારો અને રાજકીય વલણ અંગે સ્પષ્ટ રહી છે. તેણે ઘણા મુદ્દાઓ પર પોતાનો અભિપ્રાય વ્યક્ત કર્યો છે.

સ્વરા છેલ્લા કેટલાક સમયથી ફિલ્મી પડદા પરથી ગાયબ છે.

વર્ક ફ્રન્ટની વાત કરીએ તો સ્વરા ભાસ્કર લાંબા સમયથી કોઈ ફિલ્મ કે શોમાં જોવા મળી નથી. લગ્ન બાદથી તે ફિલ્મોમાં સક્રિય નથી. ‘રાંઝણા’, ‘તનુ વેડ્સ મનુ’ અને ‘વીરે દી વેડિંગ’ જેવી ફિલ્મોથી લોકો અભિનેત્રીને ઓળખે છે. નોંધનીય છે કે, 16 ફેબ્રુઆરી 2023ના રોજ સ્વરા ભાસ્કરે સમાજવાદી પાર્ટીના નેતા ફહાદ અહેમદ સાથે લગ્ન કર્યાં હતાં. આ વર્ષે તેણે દીકરી રાબિયાને જન્મ આપ્યો.