2 કલાક પેહલા
- કૉપી લિંક
છેલ્લાં કેટલાક દિવસથી એનિમલ’ એક્ટ્રેસ અને નેશનલ ક્રશ રશ્મિકા મંદાના વિજય દેવેરાકોંડા સાથે સગાઈ કરી શકે છે તે ચર્ચાએ જોર પકડ્યું છે, આ વચ્ચે વિજય દેવેરાકોંડાએ રશ્મિકા મંદન્ના સાથેની સગાઈના સમાચારને માત્ર અફવા ગણાવી છે. તેમણે કહ્યું છે કે તે ન તો સગાઈ કરી રહ્યો છે અને ન તો તે ટૂંક સમયમાં લગ્ન કરશે.
વિજયે આખરે મૌન તોડ્યું
થોડા દિવસોથી તેલુગુ સુપરસ્ટાર વિજય દેવરાકોંડા અને રશ્મિકા મંદન્નાની સગાઈની અફવાઓ ચર્ચામાં હતી. અફવાઓ અનુસાર, વિજય અને રશ્મિકા ફેબ્રુઆરીના બીજા સપ્તાહમાં સગાઈ કરી શકે છે. આવી સ્થિતિમાં, વિજયે હવે આ અફવાઓને સંપૂર્ણપણે ફગાવી દીધી છે. લાઈફસ્ટાઈલ એશિયા સાથે વાત કરતા વિજયે જણાવ્યું છે કે, હું ફેબ્રુઆરીમાં સગાઈ કે લગ્ન નથી કરી રહ્યો. એવું લાગે છે કે મીડિયાના લોકો દર બે વર્ષે મારા લગ્ન કરાવવા માગે છે. હું દર વર્ષે આ અફવા સાંભળું છું. તેઓ મને પકડવાની અને મારા લગ્ન કરાવવાની રાહ જોતા ફરતા હોય છે.
વિજય-રશ્મિકાએ ફિલ્મોમાં સાથે કામ કર્યું છે
2018માં રિલીઝ થયેલી ફિલ્મ ‘ગીતા ગોવિંદમ’માં વિજય અને રશ્મિકા સાથે જોવા મળ્યા હતા. આ પછી બંને 2019માં રિલીઝ થયેલી ફિલ્મ ‘ડિયર કોમરેડ’માં પણ સાથે જોવા મળ્યા હતા. આ ફિલ્મમાં વિજય-રશ્મિકાની ઓન-સ્ક્રીન કેમેસ્ટ્રી ખૂબ જ પસંદ કરવામાં આવી હતી. ફિલ્મના સેટ પરથી એવા અહેવાલો આવ્યા હતા કે બંને રિલેશનશિપમાં છે, જોકે બંને કલાકારોએ આ વિશે ક્યારેય ખુલીને વાત કરી નથી.
સાથે મળીને દિવાળીની ઉજવણી કરી
દિવાળીના ખાસ અવસર પર વિજય દેવરાકોંડાએ પોતાના ઘરે દિવાળી પાર્ટીનું આયોજન કર્યું હતું, જેમાં રશ્મિકાએ પણ હાજરી આપી હતી. જ્યારથી આ તસવીરો સામે આવી છે ત્યારથી તેમના સંબંધોને લઈને અનેક અટકળો લગાવવામાં આવી રહી છે.
રશ્મિકા મંદન્ના વિજયની હૂડીમાં જોવા મળી હતી
નવેમ્બરમાં, રશ્મિકા મંદન્ના એરપોર્ટ પર વિજય દેવરાકોંડા હૂડી પહેરેલી જોવા મળી હતી. વિજયે થોડા સમય પહેલાં આ જ હૂડી પહેરી હતી. આ હૂડી વિજય દેવરાકોંડાની બ્રાન્ડ રાઉડીની હતી.
આ સિવાય બંનેએ ગયા વર્ષે માલદીવમાં સાથે રજાઓ ગાળી હતી. વિજય દેવરાકોંડા અને રશ્મિકા તાજેતરમાં વિયેતનામમાં વેકેશન માણતા જોવા મળ્યા હતા.
રશ્મિકા અને વિજયના આગામી પ્રોજેક્ટ
રશ્મિકા મંદન્ના આ દિવસોમાં બ્લોકબસ્ટર ફિલ્મ ‘એનિમલ’ને કારણે ચર્ચામાં છે. આ ફિલ્મમાં તેની મુખ્ય ભૂમિકા હતી. રશ્મિકાની આગામી દિવસોમાં 3 તેલુગુ અને એક હિન્દી ફિલ્મ છે. તે ‘પુષ્પા-2: ધ રૂલ’, ‘રેનબો’ અને ‘ધ ગર્લફ્રેન્ડ’ ઉપરાંત હિન્દી ફિલ્મ ‘છાવા’માં જોવા મળશે.
વિજય દેવરાકોંડા વિશે વાત કરીએ તો, તે સાઉથની ફિલ્મ ‘ફેમિલી સ્ટાર’ અને ‘વીડી-16’નો ભાગ છે. વિજયે ફિલ્મ ‘લાઇગર’થી બોલિવૂડમાં પ્રવેશ કર્યો હતો, જોકે આ ફિલ્મ બોક્સ ઓફિસ પર ફ્લોપ રહી હતી.
