વિવેકની ઈમોશનલ લવ લાઈફ: એક્ટરે કહ્યું,- ક્યારેય કોઈ પાર્ટનર સાથે દગો નથી કર્યો, છતાં પણ દરેક વખતે દિલ તૂટ્યું

વિવેક ઓબેરોયે 29 ઓક્ટોબર 2010ના રોજ પ્રિયંકા આલ્વા સાથે લગ્ન કર્યા હતા. પ્રિયંકા પહેલા તેના જીવનમાં જેટલી પણ ગર્લફ્રેન્ડ રહી છે વિવેકના તેની સાથે પણ ખૂબ સારા સંબંધો હતા. વિવેકે તાજેતરના એક ઈન્ટરવ્યૂમાં આ અંગે ખુલાસો કર્યો હતો. વિવેકે એમ પણ કહ્યું કે, તેણે કોઇને સંબંધમાં છેતર્યા નથી, પરંતુ તેમ છતાં તેના જીવનમાં સીરિયસ રિલેશનશિપ બહુ ઓછા રહ્યા છે.

‘મારે સીરિયસ રિલેશનશિપ ખૂબ જ ઓછા રહ્યા’

વિવેક ઓબેરોયે ઈન્ડિયા ટીવી સાથેના પોતાના રિલેશનશિપ વિશે ખૂલીને વાત કરી હતી. તેણે કહ્યું, ‘મારે સીરિયસ રિલેશનશિપ ખૂબ જ ઓછા રહ્યા છે. હું હંમેશાં સ્પષ્ટ હતો કે હું કોઈ સીરિયસ રિલેશનમાં આવવું નહોતું, કારણ કે મારી બાળપણની ગર્લફ્રેન્ડ કેન્સરથી મૃત્યુ પામી હતી. આ સિવાય મેં કોલેજથી જ મારો બિઝનેસ શરૂ કર્યો હતો. મેં શેરબજારમાં રોકાણ કર્યું હતું, તેથી મારી પાસે સમય પણ નહોતો.’

‘ક્યારેય મેં કોઈની સાથે દગો કર્યો નથી’ વિવેકે આગળ કહ્યું, ‘હું ઈચ્છતો ન હતો કે મારું દિલ વધુ તૂટે, તેથી મેં વિચાર્યું કે હવે હું કોઈ પણ સંબંધમાં વધારે ગંભીર રહીશ નહીં. કેટલીક છોકરીઓને તો હું ગર્લફ્રેન્ડ તરીકે પણ ગણતો નથી. પણ એ વાત ચોક્કસ છે કે જ્યારે પણ મેં પ્રેમ કર્યો છે ત્યારે દિલથી કર્યો છે અને ક્યારેય કોઈ કોઈની સાથે દગો કર્યો નથી.’

‘કેટલાક સંબંધોએ પ્રેમમાંથી વિશ્વાસ છીનવી લીધો હતો’ અનસ બુખાશને આપેલા એક ઈન્ટરવ્યૂમાં વિવેક ઓબેરોયે તેની લવ લાઈફ વિશે પણ વાત કરી હતી. તેણે કહ્યું હતું કે, “કેટલાક સંબંધોએ મને એટલો તોડી નાખ્યો હતો કે મેં રોમાન્સ અને પ્રેમમાંથી વિશ્વાસ ગુમાવી દીધો હતો. લગ્ન પણ કરવા માગતો ન હતો. પરંતુ એક દિવસ મારી માતાએ મને કહ્યું કે એકવાર પ્રિયંકાને મળી લે જો તને ના ગમતું હોય તો ના કહે, પછી હું તને ક્યારેય બીજા કોઈને મળવા નહિ કહું.’

પ્રિયંકા સાથેની પ્રથમ મુલાકાત કેવી રહી? હ્યુમન્સ ઓફ બોમ્બેને આપેલા એક ઈન્ટરવ્યૂમાં વિવેકે કહ્યું હતું કે, મારી માસી પ્રિયંકાને પહેલા મળી હતી, ત્યારબાદ હું તેને મળ્યો હતો. પ્રિયંકા તે સમયે ન્યૂયોર્કમાં હતી અને MBAનો અભ્યાસ કરી રહી હતી. પ્રિયંકાને મળવાથી લઈને તેની સાથે લગ્ન કરવાનું બધું મારા સંબંધીઓએ નક્કી કર્યું હતું.

ઐશ્વર્યા રાય બચ્ચન પર મીમ્સ દ્વારા કટાક્ષ કર્યો હતો વિવેક ઓબેરોય અવારનવાર પોતાના નિવેદનોને કારણે ચર્ચામાં રહે છે. 2019 માં, તેણે ઐશ્વર્યા રાય બચ્ચન વિશે સોશિયલ મીડિયા પર એક મીમ શેર કરી હતી, જેમાં ત્રણ ફોટા એક સાથે ઉમેરવામાં આવ્યા હતા. પહેલા ફોટોમાં સલમાન ખાન અને ઐશ્વર્યા રાય બચ્ચન જોવા મળ્યા હતા. બીજા ફોટોમાં ઐશ્વર્યા અને વિવેક ઓબેરોય દેખાય છે, જ્યારે ત્રીજા ફોટોમાં ઐશ્વર્યા તેની પુત્રી આરાધ્યા અને પતિ અભિષેક બચ્ચન સાથે જોવા મળી હતી. તસવીર પર ‘ઓપિનિયન પોલ’, ‘એક્ઝિટ પોલ’ અને ‘રિઝલ્ટ’ લખેલા હતા. વિવેકે કેપ્શનમાં લખ્યું હતું- ‘હા હા! તે રચનાત્મક છે, કોઈ રાજકારણ રમી રહ્યું નથી, આ જીવન છે.

વિવેક સોશિયલ મીડિયા પર ટ્રોલ થયો હતો આ પોસ્ટ માટે વિવેક સોશિયલ મીડિયા પર ઘણો ટ્રોલ થયો હતો. આ પછી તેણે પોતાના ટ્વિટ માટે માફી પણ માંગી હતી. વિવેકે લખ્યું, ‘જો મારા કારણે કોઈ મહિલાને દુઃખ થયું હોય તો હું માફી માંગુ છું અને મારું ટ્વિટ ડિલીટ કરું છું.’

વિવેકનું ઐશ્વર્યા રાય સાથે બ્રેકઅપ! નોંધનીય છે કે,, પ્રિયંકા સાથે લગ્ન કરતા પહેલા વિવેકનું ઐશ્વર્યા રાય સાથે બ્રેકઅપ થઈ ગયું હતું. ઐશ્વર્યા અને વિવેકે વર્ષ 2004માં ફિલ્મ ‘ક્યોં હો ગયા ના’માં સાથે કામ કર્યું હતું. ત્યારથી બંનેએ ડેટિંગ કરવાનું શરૂ કર્યું. જોકે, બાદમાં સલમાન સાથેના વિવાદને કારણે વિવેક અને ઐશ્વર્યાનું બ્રેકઅપ થઈ ગયું હતું.

ક્યારે કર્યા લગ્ન? 2010માં લગ્ન કર્યા વિવેકે 2010માં પ્રિયંકા સાથે લગ્ન કર્યા હતા. તે બે બાળકોનો પિતા છે. વિવેક ‘સાથિયા’, ‘યુવા’, ‘શૂટઆઉટ એટ લોખંડવાલા’ જેવી ફિલ્મમાં કામ કરી ચૂક્યો છે.