ધ ‘બકિંઘમ મર્ડર્સ’ વિ. ‘તુમ્બાડ’ કલેક્શન: 6 વર્ષ જૂની ફિલ્મ ‘તુમ્બાડે’ કરીના કપૂરની ‘ધ બકિંઘમ મર્ડર્સ’ને કમાણીમાં પાછળ રાખી

કરીના કપૂર ખાનની ફિલ્મ ‘ધ બકિંગહામ મર્ડર્સ’ આ દિવસોમાં સિનેમાઘરોમાં છે. ફિલ્મ રિલીઝ થયાને બે દિવસ થઈ ગયા છે પરંતુ તેને દર્શકો માટે રાહ જોવી પડી રહી છે. કારણ કે, કરીના કપૂરની ફિલ્મને ટક્કર આપવા માટે ફિલ્મ ‘તુમ્બાડ’ થિયેટરોમાં ફરી રીલિઝ કરવામાં આવી છે. બંને ફિલ્મોને પડદા પર રિલીઝ થયાને બે દિવસ થયા છે. ત્યારે કરીના કપૂરની ફિલ્મે પ્રથમ દિવસે માંડ 1 કરોડ રૂપિયાની કમાણી કરી હતી, પરંતુ લોકો તુમ્બાડ જોવા માટે તલપાપડ હતા. આવો જાણીએ કે શનિવારે બંને ફિલ્મોએ કેટલી કમાણી કરી.

‘ધ બકિંઘમ મર્ડર્સે’ દર્શકોને નિરાશ કર્યા

હંસલ મહેતાની મર્ડર મિસ્ટ્રી ફિલ્મ ‘ધ બકિંઘમ મર્ડર્સે’ દર્શકોને નિરાશ કરી દીધા હતા. 13 સપ્ટેમ્બર, શુક્રવારે રિલીઝ થયેલી આ ફિલ્મે પહેલા દિવસે માત્ર 1.15 કરોડ રૂપિયાનું કલેક્શન કર્યું હતું. આ ફિલ્મ હિન્દી અને અંગ્રેજી બંને ભાષામાં રિલીઝ થઈ છે. બીજા દિવસે ફિલ્મની કમાણીમાં થોડો ઉછાળો આવ્યો હતો જેના કારણે ફિલ્મ થિયેટરમાંથી રૂ. 1.90 કરોડ ઉમેરવામાં સફળ રહી હતી, જેના કારણે ‘ધ બકિંગહામ મર્ડર્સ’ની કુલ બે દિવસની કમાણી રૂ. 2.65 કરોડ થઈ હતી.

‘તુમ્બાડ’નું બે દિવસનું કલેક્શન રૂ. 3.85 કરોડ વાત કરીએ 2018ની ફિલ્મ ‘તુમ્બાડ’ની, જે બે દિવસ પહેલા જ રીલીઝ થઈ હતી. ફિલ્મે પહેલા દિવસે સારું પ્રદર્શન કર્યું અને 1.65 કરોડ રૂપિયાનું કલેક્શન કર્યું. વીકેન્ડ શરૂ થતાં જ ફિલ્મે વેગ પકડ્યો અને દર્શકોને આકર્ષ્યા. ફિલ્મે શનિવારે 2.20 કરોડ રૂપિયાની કમાણી કરી છે. એકંદરે, ‘તુમ્બાડ’નું બે દિવસનું કલેક્શન રૂ. 3.85 કરોડ સુધી પહોંચી ગયું છે, જે ‘બકિંઘમ મર્ડર્સ’ કરતાં વધુ છે.