પત્ની સાથેની મુનવ્વર ફારૂકીની પહેલી તસવીર સામે આવી: મેકઅપ આર્ટિસ્ટ માહજબીનને છે 10 વર્ષની દીકરી, વાઇરલ કાર્ડ દ્વારા લગ્નનો ખુલાસો

બિગ બોસ 17ના વિજેતા મુનવ્વર ફારૂકીએ બીજા લગ્ન કર્યા છે. સોશિયલ મીડિયા પર વાયરલ થયેલા વેડિંગ કાર્ડ દ્વારા તેના લગ્નનો ખુલાસો થયો હતો. હવે તેની પત્ની સાથેની પહેલી તસવીર સામે આવી છે. બંને સાથે કેક કાપતા જોવા મળ્યા હતા.

તમને જણાવી દઈએ કે મુનવ્વર ફારૂકીએ આ મહિને મુંબઈના મેકઅપ આર્ટિસ્ટ માહજબીન કોટવાલા સાથે લગ્ન કર્યા હતા. બંનેના લગ્નનું કાર્ડ પણ વાયરલ થયું હતું, જેમાં તેમના નામના પ્રથમ અક્ષો લખવામાં આવ્યા હતા. માહજબીન મેનન સમુદાયમાંથી આવે છે, જે દક્ષિણ મુંબઈના અંગરીપાડામાં રહે છે.

માહજબીન કોટવાલને 10 વર્ષની પુત્રી છે
માહજબીન કોટવાલા ઘણી વખત કોરિયોગ્રાફર ધનશ્રી વર્મા સાથે જોવા મળી છે. તે ધનશ્રી વર્મા અને ક્રિકેટર યુઝવેન્દ્ર ચહલ સાથે શો ‘ઝલક દિખલા જા’માં પણ જોવા મળી છે. અહેવાલો છે કે માહજબીને છૂટાછેડા લીધેલ છે અને તેને 10 વર્ષની પુત્રી છે.

સિક્રેટ લગ્નમાં નજીકના મિત્રોએ હાજરી આપી હતી
મુનવ્વર ફારૂકીના લગ્ન મુંબઈના આઈટીસી મરાઠામાં થયા હતા. આ લગ્નમાં અભિનેત્રી હિના ખાને પણ હાજરી આપી હતી. તેણે સોશિયલ મીડિયા દ્વારા લગ્નનો સંકેત આપ્યો હતો. હિનાએ તેની તસવીર સાથે ‘મેરે યાર કી શાદી હૈ’ ગીત મૂક્યું હતું. તમને જણાવી દઈએ કે હિના ખાન મુનવ્વર સાથે મ્યુઝિક વીડિયો ‘હલકી હલકી સી’માં સાથે જોવા મળી છે.

મુનવ્વર ફારુકી સ્ટેન્ડ-અપ કોમેડિયન છે. વર્ષ 2021 માં, એક સ્ટેજ શોમાં વિવાદાસ્પદ જોક્સ કહેવા બદલ તેની ધરપકડ કરવામાં આવી હતી. તેના પર ધાર્મિક ભાવનાઓને ઠેસ પહોંચાડવાનો આરોપ હતો. વિવાદો પછી, તે કંગના રનૌતના રિયાલિટી શો ‘લોક અપ’નો ભાગ બન્યો, જેમાં તે જીતી ગયો હતો. આ પછી તેણે બિગ ‘બોસ 17’ જીતી લીધું છે.