9 મિનિટ પેહલા
- કૉપી લિંક
અમિતાભ બચ્ચન અને ધર્મેન્દ્ર સ્ટારર બ્લોકબસ્ટર ફિલ્મ ‘શોલે’નું સ્પેશિયલ સ્ક્રીનિંગ 31 ઓગસ્ટ, શનિવારે મુંબઈમાં નક્કી કરવામાં આવ્યું છે. આ સ્ક્રીનિંગ દરમિયાન ઈન્ડસ્ટ્રીના પ્રખ્યાત લેખક સલીમ-જાવેદ પણ તેમના 50 વર્ષની ઉજવણી કરશે.
1975માં રિલીઝ થયેલી ‘શોલે’ એ વર્ષની સૌથી વધુ કમાણી કરનારી ફિલ્મ હતી
શનિવારે રીગલ સિનેમા ખાતે સ્ક્રીનિંગ યોજાશે
આ ફિલ્મ 31 ઓગસ્ટે મુંબઈના રીગલ સિનેમા ખાતે સાંજે 5:30 કલાકે પ્રદર્શિત કરવામાં આવશે. આ ફિલ્મ 50 વર્ષ જૂની વિન્ટેજ સિનેમાસ્કોપ પ્રિન્ટમાં દર્શાવવામાં આવશે.
આ પ્રસંગે ફિલ્મના દિગ્દર્શક રમેશ સિપ્પી અને લેખક સલીમ-જાવેદ પણ હાજર રહેશે. ચર્ચા છે કે, આ ત્રણ સિવાય ફિલ્મ સાથે જોડાયેલા અન્ય કલાકારો પણ સ્ક્રીનિંગમાં જોવા મળશે.
આ ફિલ્મના સ્ક્રીનિંગ દરમિયાન લેખક સલીમ અને જાવેદ પણ હાજર રહેશે
ઝોયા અખ્તરે માહિતી આપી હતી
સલીમ-જાવેદ પર આધારિત ડોક્યુડ્રામા ‘એંગ્રી યંગ મેન’ તાજેતરમાં રિલીઝ કરવામાં આવી છે. તેની નિર્માતા ઝોયા અખ્તરે તેના સોશિયલ મીડિયા એકાઉન્ટ પર ‘શોલે’ની સ્ક્રીનિંગ વિશે માહિતી આપી છે.
ઝોયાએ સોશિયલ મીડિયા પોસ્ટ દ્વારા આ સ્ક્રીનિંગ વિશે માહિતી આપી હતી.
તાજેતરમાં રિલીઝ થયેલી ‘એન્ગ્રી યંગ મેન’
ડોક્યુડ્રામા ‘એન્ગ્રી યંગ મેન’ સલીમ-જાવેદના સંઘર્ષ, કારકિર્દી અને તેમના અલગ થવા વિશે વાત કરે છે. આમાં તેમના બાળકો સલમાન-અરબાઝ ખાન અને ફરહાન-ઝોયા અખ્તર સિવાય બોલિવૂડના ઘણા પ્રખ્યાત કલાકારોએ સલીમ-જાવેદ સાથે જોડાયેલ તેમની વાતો શેર કરી છે.
આ સિરીઝમાં અમિતાભ બચ્ચન, આમિર ખાન, સાઉથ સુપરસ્ટાર યશ, કરણ જોહર, ફરાહ ખાન સહિત ઘણા સેલેબ્સે બંનેની ચર્ચા કરી છે.
‘એંગ્રી યંગ મેન’ તાજેતરમાં OTT પર રિલીઝ થઈ છે.
ફિલ્મ ‘શોલે’ વર્ષ 1975માં રિલીઝ થઈ હતી. અમિતાભ બચ્ચન, ધર્મેન્દ્ર, સંજીવ કુમાર, હેમા માલિની, જયા બચ્ચન, અમજદ ખાન, સત્યેન કપ્પુ, એકે હંગલ, જગદીપ અને અસરાની સહિત ઘણા પ્રખ્યાત કલાકારોએ તેમાં કામ કર્યું હતું.
