38 મિનિટ પેહલા
- કૉપી લિંક
થિયેટર્સમાં દરરોજ ઘણી ફિલ્મો રિલીઝ થાય છે. તેમને સફળ બનાવવા માટે, નિર્માતાઓ તેમને જોરશોરથી પ્રમોટ કરે છે. પોસ્ટરથી લઈને રીલ્સ સુધીનું બધું જ આયોજન કરવામાં આવે છે. પરંતુ આ વખતે એક ભૂલને કારણે મેકર્સ ખરાબ રીતે ટ્રોલ થઈ રહ્યા છે. વાસ્તવમાં, રજનીકાંતની ‘વેટ્ટૈયન’, વરુણ ધવનની ‘બેબી જોન’ અને કમલ હાસનની ‘ઠગ લાઇફ’ના પોસ્ટરના રંગથી લઈને નમૂના સુધી બધું એકસરખું દેખાય છે. જેના કારણે સોશિયલ મીડિયા પર ખૂબ જ મજાક ઉડાવવામાં આવી રહી છે.
પોસ્ટરનો કલર પણ એકસરખો છે રજનીકાંત અને અમિતાભ બચ્ચનની ‘વેટ્ટૈયન’ પહેલીવાર થિયેટરોમાં રિલીઝ થઈ હતી. આ ફિલ્મના પોસ્ટર વિશે વાત કરીએ તો, તે લાલ રંગનું છે અને તેના પર થોડું ટેક્સચર છે. જે બાદ ‘બેબી જોન’નું પોસ્ટર આવ્યું. જેમાં એક જ રંગ અને પેટર્નનો ઉપયોગ કરવામાં આવ્યો હતો. હવે આજે કમલ હાસનની ‘ઠગ લાઈફ’નું પોસ્ટર પણ સામે આવ્યું છે જે અન્ય બે ફિલ્મો સાથે મેળ ખાતું હોય તેવું લાગે છે. લોકો આ ત્રણેય પોસ્ટરને શેર કરી રહ્યા છે અને લખી રહ્યા છે કે- ભારતીય સિનેમામાં સૌથી ખરાબ પબ્લિસિટી ડિઝાઇનર છે. આ પોસ્ટ પર લોકો કમેન્ટ પણ કરી રહ્યા છે.
સોશિયલ મીડિયા પર મજાક ઉડાવી એક યુઝરે લખ્યું- દરેક પોસ્ટર માટે એક જ ટેમ્પલેટનો ઉપયોગ કરવામાં આવ્યો છે અને હસતી ઈમોજી પોસ્ટ કરી છે. તે પછી બીજા કોઈએ લખ્યું- અરે સેમ ટૂ સેમ. એકે લખ્યું- સેમ ટેમ્પલેટ કોપી અને પેસ્ટ . એક યુઝરે લખ્યું- કેટલીક વસ્તુઓ બદલવાની જરૂર છે.
‘બેબી જ્હોન’ની વાત કરીએ તો આ ફિલ્મ ક્રિસમસના અવસર પર થિયેટર્સમાં રિલીઝ થવા જઈ રહી છે. ‘ઠગ લાઈફ’ની વાત કરીએ તો તે આવતા વર્ષે 5 જૂને સિનેમાઘરોમાં રિલીઝ થશે. બંને ફિલ્મમાં જબરદસ્ત એક્શન જોવા મળશે
