5 કલાક પેહલા
- કૉપી લિંક
લોકપ્રિય ટેલિવિઝન રિયાલિટી શો ‘બિગ બોસ 17’માં ટૂંક સમયમાં ડબલ ઇવિક્શન જોવા મળશે. આ અઠવાડિયે, 4 લોકોને શોમાંથી બહાર કાઢવા માટે નામાંકિત કરવામાં આવ્યા છે. જેમાં આયેશા ખાન, નીલ ભટ્ટ, અભિષેક કુમાર અને રિંકુ ધવન સામેલ છે. હવે જો ન્યૂઝ પેજની વાત માનીએ તો આ અઠવાડિયે સલમાન શોમાંથી એક નહીં પરંતુ બે સભ્યોને દૂર કરશે.
કલર્સ ચેનલ દ્વારા તાજેતરમાં આગામી એપિસોડનો પ્રોમો રિલીઝ કરવામાં આવ્યો છે. પ્રોમોમાં કહેવામાં આવ્યું છે કે, આ અઠવાડિયે ડબલ સરપ્રાઈઝ ઇવિક્શન થશે. બિગ બોસ દ્વારા ડબલ ઇવિક્શનની જાહેરાત સાંભળીને ઘરના સભ્યો આઘાતમાં જોવા મળ્યા હતા.
હવે જો ન્યૂઝ પેજનું માનીએ તો આ અઠવાડિયે રિંકુ ધવન અને નીલ ભટ્ટને સરપ્રાઈઝ ઈવિક્શનમાં બહાર કાઢવામાં આવશે. આ અઠવાડિયે માત્ર ચાર લોકોને નોમિનેટ કરવામાં આવ્યા હતા. નીલ ભટ્ટ પહેલેથી જ આખી સિઝન માટે નોમિનેટ થઈ ગયો હતો. સમર્થે રિંકુ ધવનને નોમિનેશન ટાસ્કમાં નોમિનેટ કર્યા હતા, ત્યારબાદ ઘરના સભ્યોએ નિયમો તોડ્યા બાદ બિગ બોસે નોમિનેશન ટાસ્ક બંધ કરી દીધું હતું. નોમિનેશન પ્રક્રિયા પૂર્ણ કરવા માટે, બિગ બોસે હાઉસ કેપ્ટન ઈશા માલવિયાને બે લોકોને નોમિનેટ કરવાની સત્તા આપી હતી. ઈશાએ પોતાની શક્તિનો ઉપયોગ અભિષેક અને આયેશાને નોમિનેટ કરવા માટે કર્યો હતો.
આયેશા ખાન પણ શો છોડી શકે છે
એક અઠવાડિયા પહેલા આયેશા ખાને વાઈલ્ડ કાર્ડ તરીકે બિગ બોસમાં એન્ટ્રી લીધી હતી. આ અઠવાડિયે ‘વિકેન્ડ કા વાર’માં સલમાન ખાને આયેશાને સખત ઠપકો આપ્યો છે. જ્યારે સલમાને આયેશા પર પ્રસિદ્ધિ માટે શોમાં આવવાનો આરોપ લગાવ્યો તો તે ખરાબ રીતે ભાંગી પડી. થોડા સમય પછી તે બેભાન થઈ ગઈ, જેના કારણે તેને મેડિકલ રૂમમાં લાવવામાં આવી. હવે એવા અહેવાલો છે કે, આયેશાની તબિયત વધુ ખરાબ થતાં તેને હૉસ્પિટલમાં દાખલ કરવામાં આવી છે. આવી સ્થિતિમાં ફરી શોમાં તેની એન્ટ્રી પર સવાલ ઉઠી રહ્યા છે. એવા અહેવાલ છે કે, આયેશા શો છોડી દેશે.
‘બિગ બોસ 17’નો ફિનાલે 28 જાન્યુઆરીએ યોજાશે
‘બિગ બોસ 17’નો ફિનાલે 28 જાન્યુઆરી, 2024ના બરાબર 15 અઠવાડિયામાં થવા જઈ રહ્યો છે. છેલ્લાં 5 વર્ષથી બિગ બોસની પાછલી સિઝન એટલી પસંદ કરવામાં આવી રહી હતી કે, તેને 2-3 અઠવાડિયા સુધી લંબાવવામાં આવી રહી હતી. ચાહકોને આશા હતી કે આ વર્ષે પણ શોનો ફિનાલે મોકૂફ રાખવામાં આવશે, પરંતુ એવું થયું નહીં.
ડાન્સ રિયાલિટી શો બિગ બોસ 17નું સ્થાન લેશે
‘બિગ બોસ 17’ સમાપ્ત થતાંની સાથે જ કલર્સ ચેનલ પર ડાન્સ રિયાલિટી શો ‘ડાન્સ દીવાને’ શરૂ થવા જઈ રહ્યો છે. શોનું ભવ્ય પ્રીમિયર 3 ફેબ્રુઆરી, 2024ના રોજ થશે. ‘બિગ બોસ 17’ ના અંત અને ડાન્સ દીવાનેના પ્રીમિયર વચ્ચે માત્ર 1 અઠવાડિયાનો ગાળો છે, તેથી હવે જો નિર્માતાઓ ઇચ્છે તો પણ બી શોને લંબાવવામાં આવશે નહીં.
