બિગ બીના બર્થડે સ્પેશિયલ વીડિયોમાં વહુરાણી ગાયબ: ઐશ્વર્યા રાય ​​​​​​​બચ્ચનના પરિવારનો હિસ્સો નથી રહી તેવી અટકળો શરુ, અભિષેક સાથેના ડિવોર્સનો મુદ્દો ગરમાયો

તાજેતરમાં જ રિયાલિટી શો કૌન બનેગા કરોડપતિમાં અમિતાભ બચ્ચનનો જન્મદિવસ ઉજવવામાં આવ્યો હતો. આ દરમિયાન શોમાં એક વીડિયો બતાવવામાં આવ્યો હતો, જેમાં પરિવારના તમામ સભ્યો જોવા મળ્યા હતા. જોકે, ઐશ્વર્યાની એક પણ ઝલક જોવા મળી નથી. આનાથી એ ચર્ચાએ વધુ વેગ પકડ્યો છે કે ઐશ્વર્યા અને બચ્ચન પરિવાર વચ્ચેના સંબંધો પહેલા જેવા નથી.

છેલ્લા ઘણા દિવસોથી અભિષેક બચ્ચન અને ઐશ્વર્યા રાયના છૂટાછેડાના સમાચાર પણ ચર્ચામાં છે. બંને ભૂતકાળમાં કોઈ મોટી ઈવેન્ટમાં સાથે જોવા મળ્યા ન હતા. અનંત અંબાણી અને રાધિકા મર્ચન્ટના લગ્નમાં પણ જ્યાં અભિષેક સમગ્ર બચ્ચન પરિવાર સાથે જોવા મળ્યો હતો, ત્યાં ઐશ્વર્યા દીકરી આરાધ્યા સાથે અલગ જોવા મળી હતી.

ઐશ્વર્યા સ્પેશિયલ બર્થડે વીડિયોમાં જોવા મળી નહોતી કેબીસીના મંચ પર અમિતાભ બચ્ચનનો 82મો જન્મદિવસ ધામધૂમથી ઉજવવામાં આવ્યો હતો. આ ખાસ અવસર પર આમિર ખાન તેના પુત્ર જુનૈદ ખાનના મહેમાન તરીકે પહોંચ્યો હતો. આમિરે બિગ બીને તેમના ગીત પર ડાન્સ કરીને જન્મદિવસની શુભેચ્છા પાઠવી હતી. આ પછી, ચાહકોની શુભેચ્છાઓથી ભરેલો એક ખાસ વીડિયો પણ બતાવવામાં આવ્યો. આ વીડિયો જોઈને બિગ બીની આંખો ભીની થઈ ગઈ.

આ પછી, બિગ ભીની આખી જિંદગીની સફર અન્ય એક વીડિયોમાં બતાવવામાં આવી હતી. આ વીડિયોમાં પરિવારના તમામ સભ્યોના ખાસ મેસેજ હતા. પત્ની જયા બચ્ચન, પુત્ર અભિષેક બચ્ચન, પુત્રી શ્વેતા નંદા, પૌત્ર અગસ્ત્ય નંદા અને પૌત્રી નવ્યા નવેલી નંદાના વિડિયો સંદેશા સામેલ હતા. ક્લિપમાં પૌત્રી આરાધ્યા બચ્ચનની તસવીરો પણ બતાવવામાં આવી હતી. જોકે, પુત્રવધૂ ઐશ્વર્યા રાય બચ્ચન ક્યાંય જોવા મળી ન હતી.

ઐશ્વર્યાએ સસરાને અમિતાભ ​​​​ને શુભેચ્છા પાઠવી હતી ઐશ્વર્યાએ પોતાના ઈન્સ્ટાગ્રામ હેન્ડલ પર એક તસવીર શેર કરીને અમિતાભ બચ્ચનને જન્મદિવસની શુભેચ્છા પાઠવી હતી. આ તસવીરમાં આરાધ્યા અને બિગ બી સાથે જોવા મળ્યા હતા. આ પોસ્ટની સાથે અભિનેત્રીએ કેપ્શનમાં લખ્યું હતું- હેપ્પી બર્થ ડે પા-દાદા. ગોડ બ્લેસ યુ.

વીડિયોમાં અભિષેક બચ્ચન છૂટાછેડા અનાઉન્સ કરતો જોવા મળ્યો હતો છૂટાછેડાના સમાચાર વચ્ચે, અભિષેક બચ્ચનનો એક વીડિયો સોશિયલ મીડિયા પર વાઇરલ થયો હતો, જેમાં તે ઐશ્વર્યાથી છૂટાછેડા અનાઉન્સ કરતો જોવા મળ્યો હતો. જોકે, બાદમાં જાણવા મળ્યું હતું કે અભિષેકનો વાઇરલ થયેલો વીડિયો ડીપફેક હતો, જે AI ની મદદથી બનાવવામાં આવ્યો હતો.

છૂટાછેડાના સમાચાર પર અભિષેક બચ્ચને ખુલાસો કર્યો હતો વાઇરલ વીડિયો સામે આવ્યા બાદ અભિષેક બચ્ચને બોલિવૂડ યુકે મીડિયાને આપેલા ઈન્ટરવ્યુમાં છૂટાછેડાના સમાચાર વિશે વાત કરી હતી. છૂટાછેડાના સવાલ પર તેણે લગ્નની વીંટી બતાવીને કહ્યું કે, હું હજુ પરિણીત છું. મારે તમને બધાને કંઈ કહેવું નથી. તમે બધાએ આ મુદ્દાને અતિશયોક્તિ કરી છે. હું સમજું છું કે તમે તે શા માટે કર્યું. અભિષેક બચ્ચન અને ઐશ્વર્યા રાયના લગ્ન વર્ષ 2007માં થયા હતા. આ લગ્નથી દંપતીને એક પુત્રી આરાધ્યા છે.