10 મિનિટ પેહલા
- કૉપી લિંક
રાજકુમાર રાવ અને તૃપ્તિ ડિમરી સ્ટારર ફિલ્મ ‘વિકી વિદ્યા કા વો વાલા વીડિયો’ આજે સિનેમાઘરોમાં રિલીઝ થઈ છે. આ ફિલ્મમાં રાજ અને તૃપ્તિ ઉપરાંત વિજય રાજ, મલ્લિકા શેરાવત, અર્ચના પુરણ સિંહ, મુકેશ તિવારી, રાકેશ બેદી, ટીકુ તલસાનિયાની મહત્વની ભૂમિકા છે. રાજ શાંડિલ્ય દ્વારા નિર્દેશિત, આ ફિલ્મનું નિર્માણ બાલાજી ટેલિફિલ્મ્સ, વાકાઓ ફિલ્મ્સ અને કથાવાચકા ફિલ્મ્સ દ્વારા કરવામાં આવ્યું છે. આ ફિલ્મ 2 કલાક 26 મિનિટ છે. દિવ્ય ભાસ્કરે આ ફિલ્મને 5માંથી 2.5 સ્ટારનું રેટિંગ આપ્યું છે.
‘વિકી વિદ્યા કા વો વાલા વીડિયો’ આજે સિનેમાઘરોમાં રિલીઝ
શું છે ફિલ્મની સ્ટોરી? ફિલ્મની સ્ટોરી 1997 ઋષિકેશની છે. વિકી (રાજકુમાર રાવ) મહેંદી લગાવવાનું કામ કરે છે. તેના લગ્ન ડોક્ટર વિદ્યા (તૃપ્તિ દિમરી) સાથે થાય છે. બંને પોતાના લગ્નની રાતનો વીડિયો બનાવે છે. એક દિવસ તેના ઘરે ચોરી થઈ. સામાનની સાથે લગ્ન રાત્રિના વીડિયોની સીડી પણ ચોરાઈ છે. ઇન્સ્પેક્ટર (વિજય રાજ) કેસની તપાસ શરૂ કરે છે. દરમિયાન, ઈન્સ્પેક્ટરનું દિલ વિકીની બહેન ચંદા (મલ્લિકા શેરાવત) પર આવી જાય છે. વિકી કોઈપણ ભોગે સુહાગરાતની સીડી મેળવવા માંગે છે. આ અફેરમાં તે હત્યાના કેસમાં ફસાઈ જાય છે. વિકી કેવી રીતે પોતાને નિર્દોષ સાબિત કરે છે અને સીડી મેળવે છે અને આ પ્રક્રિયા દરમિયાન કેવા વળાંક અને ટ્વિસ્ટ આવે છે? આ જાણવા માટે તમારે ફિલ્મ જોવી પડશે.
સ્ટાર કાસ્ટની એક્ટિંગ કેવી છે? રાજકુમાર રાવ ‘સ્ત્રી 2’ પછી ફરી એકવાર દર્શકોના દિલ જીતવામાં સફળ થયો છે. આ ફિલ્મમાં તૃપ્તિ ડિમરી સાથે તેની સારી કેમેસ્ટ્રી જોવા મળી હતી. બંનેની ડાયલોગ ડિલિવરીની ટાઈમિંગ જબરદસ્ત છે. મલ્લિકાએ ચંદાના રોલમાં શાનદાર કમબેક કર્યું છે. વિજય રાઝ સાથે તેની જોડી સારી છે. વિકીના દાદાના રોલમાં ટીકુ તલસાનિયા, વિદ્યાની માતાના રોલમાં અર્ચના પુરણ સિંહ, પિતાના રોલમાં રાકેશ બેદી અને મુકેશ તિવારીએ પોતપોતાની ભૂમિકાઓ સાથે સંપૂર્ણ ન્યાય કરવાનો પ્રયાસ કર્યો છે.
ફિલ્મનું ડિરેક્શન કેવું છે? રાજ શાંડિલ્યની ફિલ્મોની વિશેષતા એ છે કે તે નાના શહેરો અને નગરોની આસપાસ ફરતી સુંદર સ્ટોરીઓ લાવે છે. તેને યુસુફ અલી ખાન સાથે પણ આવી જ સ્ટોરી લખી છે. ફિલ્મની વાર્તા 90ના દાયકાની છે. તે સમયના પર્યાવરણ અને વેશભૂષાનું તેને સંપૂર્ણ ધ્યાન રાખ્યું છે. ફિલ્મનો ફર્સ્ટ હાફ મનોરંજક છે, પરંતુ સેકન્ડ હાફમાં સ્ટોરી થોડી ખોવાઈ ગયેલી લાગે છે. કબ્રસ્તાનમાં લાલ કપલનું ભૂત મને રાજકુમાર રાવની ફિલ્મ ‘સ્ત્રી’ની યાદ અપાવે છે.
ફિલ્મનું મ્યુઝિક કેવું છે? ટી સિરીઝની ફિલ્મોમાંથી સારા મ્યુઝિકની અપેક્ષા છે. પરંતુ આ ફિલ્મમાં કોઈ નવું ગીત નથી જે ફિલ્મ જોયા પછી યાદ આવે. 90ના દાયકાના ‘ના ના ના ના ના રે’, ‘તુમ્હેં અપના બનાને’, ‘ઝિંદા રહે કે લિયે’ના ગીતો રિક્રિએટ કરવામાં આવ્યા છે. ફિલ્મનું બેકગ્રાઉન્ડ મ્યુઝિક એવરેજ છે.
અંતિમ વાત, જોવા જવાય કે નહીં? મનોરંજનની સાથે આ ફિલ્મ એક ખાસ મેસેજ પણ આપે છે. આ ફિલ્મ એક વાર જોઈ શકાય છે.