વિક્રાંત મેસીને મળી જાનથી મારી નાખવાની ધમકી: ‘ધ સાબરમતી રિપોર્ટ’ ટ્રેલર લોન્ચ ઇવેન્ટમાં એક્ટરે કહ્યું, ‘આ ફિલ્મ સત્યને ઉજાગર કરે છે, ફિલ્મ જોયા પહેલા પૂર્વધારણા ના બાંધો

વિક્રાંત મેસીની ફિલ્મ ‘ધ સાબરમતી રિપોર્ટ’ રિપોર્ટ ટૂંક સમયમાં રિલીઝ થવા જઈ રહી છે. આ જાહેરાત બાદથી જ આ ફિલ્મ વિવાદાસ્પદ મુદ્દો હોવાને કારણે ચર્ચામાં છે. આ ફિલ્મનું પ્રમોશન પૂરજોશમાં ચાલી રહ્યું છે. આ દરમિયાન વિક્રાંત મેસ્સીએ ખુલાસો કર્યો છે કે તેને ઘણા સમયથી જાનથી મારી નાખવાની ધમકીઓ મળી રહી છે. અભિનેતાના કહેવા પ્રમાણે, આ ધમકીઓ તેની આગામી ફિલ્મ માટે આપવામાં આવી રહી છે.

‘ધ સાબરમતી રિપોર્ટ’ ફિલ્મના પ્રમોશનલ ઈવેન્ટમાં વિક્રાંતને પૂછવામાં આવ્યું કે શું તેને ધમકીઓ મળી છે. તેના પર અભિનેતાએ કહ્યું, હા, મને આજ સુધી કોઈએ આ વિશે પૂછ્યું નથી, તેથી મેં તેના વિશે કહ્યું નથી. હા, મને ધમકીઓ મળી છે અને મળી રહી છે. પરંતુ મેં કહ્યું તેમ, અમે કલાકારો છીએ, અમે વાર્તાઓ વણીએ છીએ. લોકો શું વિચારે છે અથવા તેઓ શું અનુભવે છે તેનાથી કોઈ ફરક પડતો નથી. હું કહેવા માંગુ છું કે આ ફિલ્મ (ધ સાબરમતી રિપોર્ટ) સંપૂર્ણપણે સત્ય પર આધારિત છે. કમનસીબે, તમે બધાએ હજુ સુધી આ ફિલ્મ જોઈ નથી. તેથી, તમારે કોઈપણ પૂર્વધારણાની રચના કરવી જોઈએ નહીં.

વિક્રાંતે આગળ કહ્યું કે, હું આ મુદ્દા પર પાછા આવવા માંગુ છું. હું આ ધમકીઓનો સામનો કરી રહ્યો છું અને અમારી ટીમ પણ સાથે મળીને તેનો સામનો કરી રહી છે. ફિલ્મનું ટ્રેલર લોન્ચ ઈવેન્ટ 6 નવેમ્બરે આયોજિત કરવામાં આવ્યું હતું. શરૂઆતમાં આ ફિલ્મ 3 મેના રોજ રિલીઝ થવાની હતી, જો કે, લોકસભાની ચૂંટણીને કારણે ફિલ્મ મોકૂફ રાખવામાં આવી હતી. હવે આ ફિલ્મ 15 નવેમ્બરે રિલીઝ થશે. એકતા કપૂર દ્વારા નિર્મિત આ ફિલ્મમાં વિક્રાંત મેસી, રિદ્ધિ ડોગરા અને રાશિ ખન્ના મુખ્ય ભૂમિકામાં છે. ફિલ્મના ટ્રેલરમાં વિક્રાંત મેસી, રાશિ ખન્ના અને રિદ્ધિ ડોગરા પત્રકારની ભૂમિકામાં જોવા મળી રહ્યા છે. રંજન ચંદેલ દ્વારા નિર્દેશિત આ ફિલ્મ 2002ની ગોધરાની ઘટના પર આધારિત છે.

સાબરમતી રિપોર્ટ ગૂગલ પર ટ્રેન્ડ થયો ટ્રેલર લૉન્ચ થયા બાદથી, આગામી ફિલ્મ ‘ધ સાબરમતી રિપોર્ટ’ ને ગૂગલ પર સતત સર્ચ કરવામાં આવી રહી છે. જો છેલ્લા એક મહિનાના ડેટા પર નજર કરીએ તો ફિલ્મના ટ્રેલરને લોન્ચ થયા બાદ સૌથી વધુ સર્ચ કરવામાં આવી રહ્યું છે.

સંદર્ભ- Google Trends

આ સમાચાર પણ વાંચો- 15 નવેમ્બરે ગોધરા કાંડનું ‘સત્ય’ બહાર આવશે:’ધ સાબરમતી રિપોર્ટ’નું ટ્રેલર રિલીઝ, એકતા કપૂર PM મોદી-અમિત શાહને ફિલ્મ બતાવવા માગે છે!