શું વિક્રાંત મેસી સ્કૂલમાં એક છોકરાનો જીવ લઈ લેત?: કહ્યું, ‘ગુસ્સામાં મુક્કો માર્યો, ખબર ન હતી કે તે વાઈનો દર્દી છે’

તાજેતરમાં વિક્રાંત મેસીએ શાળામાં તેની સાથે બનેલી એક દર્દનાક ઘટનાનો ખુલાસો કર્યો હતો. અભિનેતાએ કહ્યું કે, આ ઘટનાએ તેને હિંસાથી દૂર રહેવાની શપથ લેવા માટે મજબૂર કરી દીધો.પ્રખરના પ્રવચન પોડકાસ્ટમાં, વિક્રાંતે જણાવ્યું કે એકવાર તેણે શાળામાં એક છોકરાને મુક્કો માર્યો હતો. તેઓ જાણતા ન હતા કે છોકરો વાઈનો દર્દી હતો.

વિક્રાંતે કહ્યું, ‘તે સમયે હું કરાટે શીખતો હતો અને ખૂબ જ ઉત્સાહિત હતો. એક દિવસ મેં એક છોકરાને જડબામાં મુક્કો માર્યો. હું જાણતો ન હતો કે તે વાઈનો રોગ હતો. મુક્કા માર્યા પછી છોકરાની હાલત ખરાબ થઈ ગઈ. તેને ફીણ આવવા લાગ્યા અને બેભાન થઈ ગયો.’

તેણે આગળ કહ્યું, ‘આ બધું થોડીક સેકન્ડમાં થયું. તેનો મોટો ભાઈ આવ્યો અને મને સખત માર માર્યો. મને માર ખાવાની પીડા ન હતી કારણ કે તે સમયે મને ડર હતો કે કદાચ છોકરો મરી જશે તો?.’

આ ઘટનાની વિક્રાંત પર ઊંડી અસર થઈ હતી. તેણે કરાટે છોડી દીધું અને હિંસાથી દૂર રહેવાની પ્રતિજ્ઞા લીધી. વિક્રાંતે કહ્યું, ‘મેં ફરી ક્યારેય હાથ ઉપાડ્યો નથી. મને સમજાયું કે હું કોઈની હત્યા કરી શકું છું.’

જ્યારે હોસ્ટે કહ્યું કે વિક્રાંતના વ્યક્તિત્વથી એવું લાગતું નથી કે તે કોઈને મારી શકે છે, ત્યારે અભિનેતાએ જવાબ આપ્યો, ‘વ્યક્તિત્વ પણ છેતરપિંડી કરી શકે છે, બરાબર ને?’

નોંધનીય છે કે, વિક્રાંતે ‘અ ડેથ ઇન ધ ગુંજ’, ‘હસીન દિલરૂબા’, ‘ગિન્ની વેડ્સ સની’ જેવી ઘણી ફિલ્મોમાં સાદા દેખાતા પરંતુ ખતરનાક પાત્રો ભજવ્યા છે. હવે વિક્રાંત ફિલ્મ ‘ફિર આયી હસીન દિલરૂબા’માં જોવા મળશે, જેમાં તાપસી પન્નુ અને સની કૌશલ પણ છે.