છેતરપિંડીના કેસમાં ઝરીનને ​કોલકાતાની કોર્ટમાંથી જામીન મળ્યા: 30 હજારના અંગત બોન્ડ પર જામીન મંજૂર, કોર્ટે તેમને દેશ ન છોડવા કહ્યું

બોલિવૂડ એક્ટ્રેસ ઝરીન ખાન વિરુદ્ધ વર્ષ 2018માં છેતરપિંડીનો કેસ નોંધવામાં આવ્યો હતો. સોમવારે, અભિનેત્રી આ કેસની સુનાવણી માટે કોલકાતાની કોર્ટમાં હાજર થઈ હતી.

કોર્ટે આ કેસમાં ઝરીનને વચગાળાના જામીન મંજૂર કર્યા હતા અને તેને પરવાનગી વિના દેશ ન છોડવાનો આદેશ આપ્યો હતો. ઝરીને 2010માં સલમાન ખાનની ફિલ્મ ‘વીર’થી બોલિવૂડમાં એન્ટ્રી કરી હતી.

ઝરીને 2010માં સલમાન ખાનની ફ્લોપ ફિલ્મ ‘વીર’થી બોલિવૂડમાં એન્ટ્રી કરી હતી.

30 હજારના અંગત બોન્ડ પર જામીન મંજૂર
આ કેસમાં થોડા મહિના પહેલા કોર્ટે ઝરીનના નામે ધરપકડ વોરંટ જાહેર કર્યું હતું, ત્યારબાદ કોલકાતા પોલીસે અભિનેત્રીને સમન્સ પાઠવ્યું હતું. હવે આખરે અભિનેત્રીને આ મામલે થોડી રાહત મળી છે. કોલકાતાની સિયાલદહ કોર્ટે તેને 26 ડિસેમ્બર સુધી 30,000 રૂપિયાના અંગત બોન્ડ પર વચગાળાના જામીન આપ્યા છે.

એક કલાક સુધી સુનાવણી ચાલી
સોમવારે ઝરીન આ સુનાવણીમાં હાજરી આપવા માટે મુંબઈથી કોલકાતા પહોંચી હતી. ઝરીને કોર્ટમાં કાળી કેપ પહેરી હતી. તેણે પોતાનો ચહેરો માસ્કથી ઢાંક્યો હતો. તેના કેસની સુનાવણી એક કલાક સુધી ચાલી હતી.

ઝરીન સલમાનની ફિલ્મ ‘રેડી’માં આઈટમ નંબરનું પાત્ર ભજવીને ફરી ચર્ચામાં આવી હતી.

શું છે સમગ્ર મામલો?

ઝરીન ફરી એકવાર 2015માં રિલીઝ થયેલી હેટ સ્ટોરી 3 થી ચર્ચામાં આવી.

સલમાન સાથે બોલિવૂડમાં ડેબ્યુ કર્યું હતું
ઝરીને 2010માં વીર ફિલ્મથી બોલિવૂડમાં એન્ટ્રી કરી હતી. આ પછી તેણે સલમાનની ફિલ્મ ‘રેડી’માં આઈટમ નંબર કર્યું હતું. આ સિવાય અભિનેત્રીએ ‘હાઉસફુલ 2’, ‘હેટ સ્ટોરી 3’, ‘અક્સર 2’ અને ‘1921’ સહિત ઘણી ફિલ્મોમાં કામ કર્યું છે. ઝરીન છેલ્લે 2021માં રિલીઝ થયેલી ‘હમ ભી અકેલે તુમ ભી અકેલે’માં જોવા મળી હતી.