નવસારી જિલ્લાના ગણદેવી નજીક કસ્બાવાડી નેરોગેજ સરા લાઇન રેલવે ફાટક નજીક આંબાનાં વૃક્ષ ઉપરના મધમાખીના પૂડાની માખીઓ છંછેડાતા રાહદારીઓ ઉપર હુમલો કરી દીધો હતો. 10 લોકોને ડંખ મારતા બેને સારવાર લેવાની નોબત આવી હતી.
.
બીલીમોરા- ગણદેવી માર્ગ કસ્બાવાડી નેરોગેજ સરાલાઇન રેલવે ફાટક અલકા ફાર્મ નજીક વેગણિયા નદી તટે આંબાનાં ઘટાદાર વૃક્ષ ઉપર મધમાખીનો મોટો પુડો છે.અરસામાં એક પક્ષીએ મધમાખીનાં પૂડાને નિશાન બનાવતા મધમાખીઓ છંછેડાઇ હતી. અને હવામાં ઉડવા સાથે માર્ગ ઉપરથી પસાર થતાં લોકો પર હુમલો કરી દીધો હતો. જેના પગલે થોડા સમય માટે વાહન વ્યવહાર પણ થંભી ગયો હતો. મધમાખીઓએ 10 જેટલા લોકોને ડંખ દીધા હતા. જે પૈકી બીલીમોરા લીમડા ચોક વિસ્તારમાં રહેતા અમૃતા યતીનભાઇ રાણા અને પાર્થ યતીનભાઈ રાણાને હોસ્પિટલમાં સારવાર લેવાની નોબત આવી હતી.
