સાબરકાંઠા જિલ્લાના હિંમતનગરના મોતીપુરા વિસ્તારમાં આજથી આનંદ માર્ગ ધ્યાન કેન્દ્ર ખાતે 72 કલાક અખંડ કીર્તન મહાયજ્ઞ અષ્ટાક્ષરીનો પ્રારંભ થયો છે. જેમાં મોટી સંખ્યામાં શિષ્યો અને ભક્તો આવ્યા હતા.
.
આ અંગેની વિગત એવી છે કે, હિંમતનગર ના મોતીપુરા વિસ્તારમાં ચંદ્રનગર સોસાયટીમાં આવેલ આનંદ માર્ગ ધ્યાન કેન્દ્રમાં 14 નવેમ્બરને ગુરુવારથી આનંદ માર્ગ પ્રચારક સંઘ ગુજરાત દ્વારા 72 કલાકનું અખંડ કીર્તન મહાયજ્ઞ અષ્ટાક્ષરી સિદ્ધ મહામંત્ર બાબા નામ કેવલમ કીર્તનનો શુભારંભ થયો છે. જેની પૂર્ણાહુતિ 17 નવેમ્બરને રવિવારે થશે.તો શિષ્યો પણ આ 72 કલાકના ભજન કિર્તનમાં જોડાયા હતા.
આ કાર્યક્રમમાં આનંદમાર્ગના કેન્દ્રીય ધર્મ પ્રચારક સંઘ સચિવ આચાર્ય પ્રણવેશાનંદ અવધૂત તથા સેવા ધર્મ મિશનના ચીફ સેક્રેટરી જગન્નાથ અવધૂત તેઓની સાથે દેશના વિભિન્ન રાજ્યોમાંથી આવેલ ભક્તગણો આવી પહોંચ્યા હતા.
