પાટણ એસઓજી પોલીસે પાટણથી ચોરીનાં બે બાઈક સાથે વડગામના છાપી ગામનાં રીઢા ગુનેગારને પકડી પાડ્યો હતો. આ શખ્સ સામે ચોરીના 22 ગુનાઓ નોંધાયેલા છે.
.
પાટણ એસઓજી પોલીસની ટીમ પેટ્રોલિંગમાં હતી ત્યારે બાતમી મળી કે એક શખ્સ શંકાસ્પદ બાઈક લઈ ને પાટણ બાજુ આવવાનો છે. બાતમી આધારે પોલીસે વોચમાં હતી ત્યારે વડગામ તાલુકાના સંજયજી ઉર્ફે કાળીયો મંગાજી ઠાકોર બાઈક સાથે મળી આવતા પોલીસે તેની પૂછપરછ કરી હતી.આ બાઈકના કોઈ સાધનિક કાગળો ન હોવાનું જણાવતા પોલીસે વધુ તપાસ કરતાં આ બાઈકની ચોરી બાબતે બનાસકાંઠાના ગઢ પોલીસ મથકે ફરિયાદ દાખલ થયેલી હતી તેમજ તેની પાસેથી અન્ય એક ચોરીનું બાઈક મળ્યું હતું.
ઉલ્લેખનીય છે કે આ શખ્સ સામે છાપી, ઊંઝા, મહેસાણા, પાલનપુર, વિસનગર, ખેરાલુ, સતલાસણા, સિદ્ધપુર અને વાગડોદ પોલીસ મથકમાં ચોરીના 22 ગુનાઓ નોંધાયેલા છે.
પકડાયેલા શખ્સ સામે ચોરીના 22 ગુનાઓ દાખલ છે
