AMTS Bus Accident on Ghodasar Bridge: અમદાવાદના ઘોડાસર બ્રિજ પર કમકમાટીભર્યો અકસ્માત સર્જાયો છે. આ બ્રિજ પર બંધ પડેલી એ.એમ.ટી.એસ. બસને પાછળથી ટ્રકે ટક્કર મારતાં બે ફોરમેનના ઘટનાસ્થળે જ મોત નીપજ્યા છે. અકસ્માતના બનાવની જાણ થતાં પોલીસનો કાફલો ઘટનાસ્થળે દોડી આવ્યો હતો અને એક તરફનો બ્રિજ બંધ કરી દીધો હતો. પોલીસે અકસ્માતનો ગુનો નોંધી વધુ તપાસ હાથ ધરી છે.
પ્રાપ્ત માહિતી અનુસાર અમદાવાદના ઘોડાસર બ્રિજ પર એ.એમ.ટી.એસની બસ બંધ પડી જતાં બે ફોરમેન રીપેર કરવા ગયા હતા. એ.એમ.ટી.એસના બે ફોરમેન બસ રીપેર કરી રહ્યા હતા તે દરમિયાન પાછળથી આવી રહેલી ટ્રકે ટક્કર મારતાં બે ફોરમેનના ઘટનાસ્થળે જ મોત નીપજ્યા હતા. અકસ્માતની જાણ થતાં પોલીસનો કાફલો ઘટનાસ્થળે દોડી આવ્યો હતો અને અકસ્માત સર્જાતા એક તરફનો બ્રિજ બંધ કરી દીધો હતો. જેના કારણે ટ્રાફિકજામના દ્રશ્યો સર્જાયા હતા.
પોલીસે અકસ્માતનો ગુનો નોંધી ટ્રક ચાલકની અટકાયત કરી લીધી છે. પોલીસે મૃતકોની ડેડબોડીને પીએમ અર્થે હોસ્પિટલ ખસેડી છે અને પરિવારજનો સંપર્ક કરી રહી છે.
