સુરતના નાનપુરા વિસ્તારમાં મોડી રાત્રે એક ગંભીર બનાવ બન્યો, જ્યાં વાહન ચેકિંગ કરી રહેલા હેડ કોન્સ્ટેબલ કારાભાઇ જાદવભાઇને બુટલેગરે કારથી અડફેટમાં લીધા. ઘટનામાં કારાભાઇને ઈજાઓ પહોંચી છે, જ્યારે આરોપી ચિતાર્થ ઉર્ફે ચિન્ટુ ભરત રાંદેરીને પીસીઆર વાનના પીછા
.
આરોપી અને તેના ઇરાદા પીસીઆર વાન દ્વારા તરત પીછો કરીને આરોપી ચિતાર્થ ઉર્ફે ચિન્ટુ ભરત રાંદેરી, જે નાનપુરા, માછીવાડ વિસ્તારનો રહીશ છે, તેને ઝડપવામાં આવ્યો. પોલીસના જણાવ્યા મુજબ, ચિતાર્થ એક લિસ્ટેડ બુટલેગર છે અને તે હેડ કોન્સ્ટેબલ કારાભાઇને લઈને અદાવત રાખતો હતો.
અદાવતનું કારણ પોલીસ તપાસમાં સામે આવ્યું કે, ચિતાર્થને શંકા હતી કે હેડ કોન્સ્ટેબલ કારાભાઇ તેની બુટલેગિંગની પ્રવૃત્તિઓને પકડાવવા માટે કારમાં જીપીએ ગોઠવી રહ્યા હતા. આ શંકાને કારણે, ચિતાર્થે કારાભાઇ પર હુમલો કરવાની યોજના બનાવી.ઘટનાના દિવસે, ચિતાર્થે કારાભાઇ જ્યાં ચેકિંગ કરી રહ્યા હતા ત્યાંથી બે વખત રાઉન્ડ માર્યા. બાદમાં, ત્રીજી વખત કારને પૂરઝડપે હંકારી, હેડ કોન્સ્ટેબલને ઇજા પહોંચાડીને નાસવા પ્રયત્ન કર્યો. આરોપી ચિતાર્થને ઝડપી લેવામાં આવ્યો છે અને તેના વિરુદ્ધ ઈરાદાપૂર્વક ઘાતક હુમલાની કલમ હેઠળ ગુનો નોંધાયો છે. પોલીસ તપાસમાં સામે આવ્યું છે કે ચિતાર્થે આક્રમણ પાછળ કાવતરું રચ્યું હતું. હેડ કોન્સ્ટેબલ કારાભાઇને તરત સારવાર માટે હોસ્પિટલમાં ખસેડવામાં આવ્યા છે. તેમની હાલત સ્થિર છે, પરંતુ ઈજાઓને કારણે તેમને આરામની જરૂર છે. આ ઘટના બાદ સુરતના નાનપુરા વિસ્તારમાં લોકોમાં ભયનો માહોલ છે. પોલીસ સ્ટાફ અને અધિકારીઓ હેડ કોન્સ્ટેબલની આ દ્રષ્ટિએ હિંમતની પ્રશંસા કરી રહ્યા છે.
બૂટના ભાવમાં ફેરફાર થતાં વેપારી અને તેના દીકરા સાથે માથાકૂટ કરી સુરતના સચીન સ્ટેશન રોડ પાસે આવેલ અમરસન્સ ફુટવેરની દુકાનમાં બની હતી. ફરીયાદી વિકાસકુમાર શાંતીલાલ શાહની દુકાનમાંથી પાંચ દિવસ પહેલાં મહેશકુમાર મદનમોહન મિશ્રા 360ના બૂટ ખરીદ્યા હતા. બાદમાં, દુકાન પર આવી તેણે 10 નંબરની સાઇઝના બૂટ બદલાવ્યા.પરંતુ, જ્યારે બૂટ ફરીથી માપમાં ફિટ ના થતા, તે 23મી જાન્યુઆરીની સાંજે દુકાન પર ફરી આવ્યો. મિશ્રાને વઘારાના 100 ચુકવવાનું કહેવામાં આવ્યું, કારણ કે નવા બૂટના ભાવ 540 હતા. આ વાતથી મિશ્રા ઉશ્કેરાઈ ગયો. મિશ્રા વહેલી રાત્રે પોતાની ફોર વ્હીલ ગાડીમાં દુકાન પર પરત આવ્યો. આ વખતે તે એક તલવાર લઈને આવ્યો હતો. મિશ્રાએ ગાળ ગલોચ કરતાં તલવાર વડે વેપારી વિકાસ શાહના ડાબા કાન, માથા અને હાથ પર ઘા કર્યા. આ ક્રૂર હુમલામાં શાહનો દીકરો સિદ્ધાર્થ પણ ઘાયલ થયો, જેના જમણા હાથ પર તલવારનો ઘા લગ્યો હતો.
પ્રસંગે સર્જાયો ભયનો માહોલ સાંજે ભીડભર્યા સ્ટેશન રોડ પર આ ઘટના થતા લોકો ભયભીત થઈ ગયા હતા. મિશ્રાએ હુમલાની જગ્યાએથી નાસી છૂટતા લોકોમાં ગભરાટ છવાયો. દુકાનદારે તરત પોલીસને જાણ કરી અને બંને ઘાયલ પિતા-પુત્રને નજીકની હોસ્પિટલમાં ખસેડવામાં આવ્યા.
પોલીસ કાર્યવાહી હાથ ધરી સચીન પોલીસ સ્ટેશનમાં ગુનો દાખલ કરવામાં આવ્યો છે. IPC કલમ 118(2), 352 અને જીઆરએક્ટ કલમ 135(1) હેઠળ આરોપી મહેશકુમાર મિશ્રા સામે ગુનો નોંધાયો છે. મિશ્રાની ધરપકડ માટે પોલીસે શોધખોળ શરૂ કરી છે.આ ઘટના એ પ્રશ્ન ઉભો કરે છે કે કેવી રીતે સામાન્ય વાત ગંભીર તફડાવમાં બદલાઈ જાય છે. માત્ર 100 રૂપિયાના વધારાના ભાવે મિશ્રા એટલો ઉશ્કેરાયો કે હિંસક થઈ ગયો. સુરતના વેપારી અને નાગરિકોમાં આ ઘટનાને લઈને ચિંતાનો માહોલ છે.
