મુખ્યમંત્રી શ્રી ભૂપેન્દ્ર પટેલને ગુજરાત સરકારના જાહેર સાહસ ગુજરાત ખનિજ વિકાસ નિગમ લિમિટેડ-GMDC દ્વારા રૂ. ૨૬૯.૪૪ કરોડની ડિવિડન્ડ રાશિનો ચેક ગાંધીનગરમાં અર્પણ કરવામાં આવ્યો હતો.
મુખ્યમંત્રી શ્રી ભૂપેન્દ્ર પટેલના દૃષ્ટિવંત નેતૃત્વમાં રાજ્ય સરકારે તાજેતરમાં જાહેર કરેલી ડિવિડન્ડ વિતરણ અને બોનસ શેર માટેની પ્રગતિશીલ નીતિને સુસંગત જીએમડીસીનો આ નોંધપાત્ર ડિવિડન્ડનો ચેક મુખ્યમંત્રીશ્રી સમક્ષ GMDCના મેનેડિંગ ડિરેક્ટર શ્રી રૂપવંત સિંઘે પ્રસ્તુત કર્યો હતો.
આ વેળાએ GMDCના ચેરમેનશ્રી ડૉ. હસમુખ અઢિયા, તથા ઉદ્યોગ અને ખાણ વિભાગના અધિક મુખ્ય સચિવ શ્રી એસ. જે. હૈદર તેમજ GMDCના વરિષ્ઠ અધિકારીઓ ઉપસ્થિત રહ્યાં હતા.