Cutlery Shop Fire in Bhavnagar : ભાવનગર શહેરના રાધનપુરી મેઈન બજારમાં આવેલી કટલેરીની દુકાનમાં ભયંકર આગ લાગવાની ઘટના બની છે. ગીચ વિસ્તારમાં આવેલી ‘જનતા કટલેરી’ હોલસેલ વેપારીની દુકાનમાં આગ લાગી હતી. આગે ધીરેઘીરે વિકરાળ સ્વરૂપ ધારણ કર્યું હતું. સ્થાનિકો દ્વારા તાત્કાલિક ફાયર વિભાગને જાણ કરાઈ હતી.
જો કે, ગીચ વિસ્તારમાં દુકાન હોવાથી ફાયર વિભાગનું વાહન જવું પણ મુશ્કેલ બન્યું હતું. ફાયર વિભાગની બે ગાડીઓએ ઘટના સ્થળે પહોંચીને આગને કાબુ લેવાની તાજવીજ હાથ ધરી હતી. મોટી સંખ્યામાં લોકો પણ ઉમટ્યાં હતા. બીજી તરફ, દુકાનમાં રહેલો કટલેરીનો તમામ માલસામાન બળીને ખાક થઈ ગયો હતો.
આ પણ વાંચો : ભાવનગરમાં કચરાના ઢગલામાંથી મળી 500ના દરની નકલી નોટ! SOGની ટીમ દોડતી થઈ
