સુરતના પૂણા વિસ્તારની એક દુખદ ઘટનામાં, દીકરી સાથે ઊભા રહી સ્કૂલ બસની રાહ જોઈ રહેલા પિતાને એક બેદરકાર ટેમ્પો ચાલકે અડફેટે લેતા તેમના મોત નિપજ્યા હતા. આ દુર્ઘટનાની ન્યાયિક પ્રક્રિયા પૂર્ણ થયા બાદ કોર્ટે મૃતકના પરિવારને ₹41.18 લાખ વળતર ચૂકવવા ટેમ્પો ચાલ
.
ગમખ્વાર અકસ્માતમાં ઘટનાસ્થળે જ મોત નીપજ્યું અભિષેક માર્કેટમાં કાપડ વેપાર કરતા દિનેશકુમાર ઉર્ફે બબલાભાઈ પુરુષોત્તમદાસ ભૈયા પૂણાના ભક્તિધામ મંદિર સામે અભિષેક રેસિડન્સી વિભાગ-2માં રહેતા હતા. 8 ફેબ્રુઆરી 2014ના રોજ સવારે તેઓ પોતાની પુત્રી મેઘાની સાથે સ્કૂલ બસની રાહ જોઈ રહ્યા હતા, ત્યારે ટેમ્પો ચાલક શહેબાન અહમદઅલી રાયન (રહે. સુરતી પાર્ક સોસાયટી, બારડોલી)એ ગફલતભરી અને બેદરકારીપૂર્વક ટેમ્પો ચલાવતા દિનેશકુમારને અડફેટે લીધા. આ ગમખ્વાર અકસ્માતમાં દિનેશકુમારનું ઘટનાસ્થળે જ મોત થયું. પુત્રી મેઘાની માટે આ એક દુખદ ક્ષણ હતી, કારણ કે તેણે પોતાનાં પિતાને પોતાની આંખો સામે ગુમાવ્યા. પોલીસે આ મામલે ટેમ્પો ચાલક સામે ગુનો નોંધી કાયદેસર કાર્યવાહી કરી હતી.
કોર્ટનો ચુકાદો અને વળતર દિનેશકુમારના પરિવારજનોએ વકીલ ડી.એન. સોલંકી મારફતે ₹85 લાખના વળતર માટે કોર્ટમાં અરજીફરમાવી હતી. કેસની સુનાવણી બાદ, કોર્ટે આ અરજીને અંશતઃ મંજૂર કરતા ટેમ્પો ચાલક, માલિક અને ઈન્શ્યોરન્સ કંપનીને ₹41.18 લાખ ચૂકવવા હુકમ કર્યો. ઉપરાંત, કોર્ટ દ્વારા આ રકમ પર 9% વાર્ષિક વ્યાજ લાગુ કરાયું છે, જે પરિવાર માટે ન્યાયની દિશામાં મહત્વપૂર્ણ નિર્ણય સાબિત થયો.
જમવાનું બનાવવા મુદ્દે ઝઘડી પત્નીની હત્યા કરી ઉમરપાડા તાલુકાના ગૌચર ફળિયુંમાં આવેલા નાનાહલધરી ગામમાં રહેતા મુકેશભાઈ રમણભાઈ વસાવા પોતાની પત્ની અંજનાબેન અને ચાર સંતાનો સાથે વસવાટ કરતા હતા. 29 જાન્યુઆરી 2022ના રોજ મધરાત્રે 12:30 વાગ્યે, જમવાનું બનાવવા મુદ્દે પતિ-પત્ની વચ્ચે ઉગ્ર વાદવિવાદ થયો. ઝઘડો વધતા મુકેશભાઈ ગુસ્સે થઈ ગયો અને તેણે અચાનક કુહાડી લઈને પોતાની પત્ની અંજનાબેનના માથામાં ઘા મારી દીધો. અંજનાબેન ગંભીર રીતે ઘવાઈ જતા તરત જ તેનું મોત નીપજ્યું. પત્નીની નિષ્ઠુર હત્યા પછી પરિવાર અને પાડોશીઓમાં ગભરાટ અને શોકનો માહોલ છવાઈ ગયો.
પોલીસ તપાસ અને કોર્ટનો નિર્ણય હત્યા બાદ ઉમરપાડા પોલીસ મથકે આરોપી મુકેશભાઈ સામે ગુનો દાખલ કરવામાં આવ્યો હતો. પોલીસે તાત્કાલિક કાર્યવાહી કરી મુકેશભાઈની ધરપકડ કરી અને કેસ કોર્ટમાં પહોંચ્યો.કોર્ટમાં આ તમામ પુરાવાઓ અને સાક્ષીઓની નિવેદનઆધારે મુકેશભાઈને દોષિત જાહેર કરી આજીવન કેદની સજા ફટકારી. આ ચુકાદા દ્વારા હિંસા અને ગુસ્સા હેઠળ કરવામાં આવેલા ગુનાઓ માટે કડક પગલાં લેવામાં આવવાના મહત્વની પુષ્ટિ થઈ છે.
