પશ્ચિમ રેલવે દ્વારા મુસાફરોની માંગ અને સુવિધાને ધ્યાનમાં રાખીને ટ્રેન નંબર 19406/19405 ગાંધીધામ-પાલનપુર-ગાંધીધામ એક્સપ્રેસના સંચાલન સમયમાં 1 ફેબ્રુઆરી 2025 થી આગામી સૂચના સુધી અસ્થાયી રૂપે ફેરફાર કરવાનો નિર્ણય લેવામાં આવ્યો છે. જેની વિગતો નીચે મુજબ છ
.
- 01 ફેબ્રુઆરી 2025 થી, ટ્રેન નં. 19406 ગાંધીધામ-પાલનપુર એક્સપ્રેસ ગાંધીધામથી 08.10 કલાકને બદલે 05.35 કલાકે ઉપડશે અને 14.50 કલાકને બદલે 12.20 કલાકે પાલનપુર પહોંચશે.
- 01 ફેબ્રુઆરી, 2025 થી, ટ્રેન નં. 19405 પાલનપુર-ગાંધીધામ એક્સપ્રેસ પાલનપુરથી 15.40 કલાકને બદલે 13.10 કલાકે ઉપડશે અને 22.20 કલાકને બદલે 19.50 કલાકે ગાંધીધામ પહોંચશે.
ઉપરોક્ત ફેરફારને કારણે, બધા મધ્યવર્તી સ્ટેશનો પર આગમન/પ્રસ્થાનના સમયમાં ફેરફાર થશે. મુસાફરોને વિંનતી કરવામાં આવે છે કે ટ્રેનોના સંચાલન સમય થી સંબંધિત નવીનતમ અપડેટ્સ માટે www.enquiry.indianrail.gov.in પર જઈને અવલોકન કરે જેથી કોઈ અસુવિધા ના થાય.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની ધોરણ 10 અને 12ની પરીક્ષા 27 ફેબ્રુઆરીથી શરૂ થવાની છે ત્યારે ધોરણ 12 સાયન્સની પ્રેકટીકલ પરીક્ષા 6 ફેબ્રુઆરીથી શરૂ થવાની છે જે માટેની હોલ ટીકીટ આજથી બોર્ડની વેબસાઈટ પર ડાઉનલોડ કરી શકાશે.વિદ્યાર્થીઓ ઇન્ડેક્ષ નંબર,મોબાઈલ નંબર અને ઈમેઇલ આઈડી દ્વારા લોગીન કરી શકશે.હોલ ટીકીટમાં વિદ્યાર્થીઓએ સ્કૂલના આચાર્યની સહી – સિક્ક કરીને પોતાની સહી કરવાની રહેશે.હોલ ટિકિટમાં કોઈ સુધારો કરવાનો હોય તો ગાંધીનગર બોર્ડની કચેરીએ જઇને કરાવવાનો રહેશે.
