ભરૂચ જિલ્લાના આમોદ તાલુકાના આછોદ ગામની સીમમાં ખાણ-ખનીજ વિભાગે મોટી કાર્યવાહી કરી છે. વિભાગની ટીમે ગેરકાયદે માટી ખનનના સ્થળે દરોડા પાડ્યા હતા.
.
આ કાર્યવાહીમાં વિભાગે કુલ રૂ. 3 કરોડની કિંમતના વાહનો જપ્ત કર્યા છે. જપ્ત કરાયેલા વાહનોમાં 9 ડમ્પર અને બે હિટાચી મશીનનો સમાવેશ થાય છે. પ્રાથમિક તપાસમાં જાણવા મળ્યું કે પટેલ બસીર એહમદ નામના વ્યક્તિએ 10 હજાર મેટ્રિક ટન માટી ખનનની પરવાનગી મેળવી હતી.
તપાસમાં મંજૂર મર્યાદા કરતાં વધુ માટી ખનન થયું હોવાનું બહાર આવ્યું છે. આ કારણે વિભાગે તમામ વાહનો જપ્ત કરી લીધા છે. આ દરોડાની કાર્યવાહીથી ભૂમાફિયાઓમાં ફફડાટ ફેલાયો છે. જપ્ત કરાયેલા તમામ વાહનોને આમોદ મામલતદાર કચેરી ખાતે લઈ જવામાં આવ્યા છે.
