રાજકોટમાં ચણા-તુવેર દાળના જથ્થાની 50 ટકા જ પરમીટ: પુરવઠા અધિકારીએ કહ્યું- રાજ્ય કક્ષાએથી જ જિલ્લાના 12 ગોડાઉનમાં અડધો જથ્થો આવ્યો; ચોખા, ઘઉં, ખાંડ, મીઠાનું 100 ટકા વિતરણ – Rajkot News

.

દુકાનધારકો ચલણ ભરે ત્યાર બાદ અનાજ વિતરણ કરાય છે રાજકોટ જિલ્લા પુરવઠા અધિકારી રાજેશ્રી વાંગવાણીએ જણાવ્યું હતું કે, સસ્તા અનાજની દુકાને પુરવઠો નિયમિત રીતે પહોંચાડવામાં જ આવે છે. રાજકોટ જિલ્લામાં કુલ 12 ગોડાઉન છે. જ્યાંથી તાલુકા વાઇસ જે તે ગોડાઉન ઉપર માલ આપવામાં આવે છે. ગોડાઉનમાંથી જે માલ જાય છે તે ડોર સ્ટેપ ડિલિવરી હોય છે જે દુકાનો ઉપર પહોંચે છે. ચણા અને તુવેર દાળનો જથ્થો સમયસર ન પહોંચવા બાબતે પૂછવામાં આવતા તેમણે જણાવ્યું હતું કે, ઘણી વખત એવું બને છે કે 50 ટકા પરમિટ મુકાઈ હોય અને ત્યાર બાદ જે તે દુકાન ધારકો ચલણ ભરતા હોય છે. દુકાનધારકો ચલણ ભરે ત્યાર બાદ વહેલા તે પહેલાના ધોરણે અનાજનું વિતરણ કરવામાં આવે છે.

ચણા-તુવેર દાળનો જથ્થો 50 ટકા જ આવ્યો આ સાથે જ તેમણે જણાવ્યું હતું કે, હાલ તો આખા ચણા અને તુવેર દાળનો જથ્થો ગોડાઉનમાં 50 ટકા જ આવ્યો છે. ઉપરથી 50 ટકા પરમીટ જ આવ્યું હોવાથી ઓછો જથ્થો સપ્લાય થઈ રહ્યો છે. ચણા અને તુવેર દાળનો જથ્થો ઓછો આવવાને કારણે અમે રાજ્યના પુરવઠા વિભાગને જાણ પણ કરી છે અને જ્યારે પણ અનાજનો જથ્થો ઓછો આવે ત્યારે અમે જાણ કરીએ છીએ અને ગ્રાહકોને પણ સમજાવીએ છીએ કે જથ્થો આવતાની સાથે જ સસ્તા અનાજની દુકાનો ખાતે અનાજનો જથ્થો પહોંચી જશે.

ઓક્ટોબરમાં 97 ટકા રાશન કાર્ડ ધારકોને અનાજનું વિતરણ કરાયું