દેવશયની (અષાઢ સુદ) એકાદશીથી દેવઊઠી (કારતક સુદ) એકાદશી સુધી સતત ચાર માસને ચાતુર્માસ કહેવાય છે. દેવશયની એકાદશીથી ચાતુર્માસનો પ્રારંભ થાય છે.
Related posts
.
ભાદરવા સુદ- એકાદશીએ ભગવાન પડખું ફેરવે છે. તેથી આ એકાદશીને પાર્શ્વવર્તીની એકાદશી કહેવાય છે. આ એકાદશીને જળઝીલણી એકાદશી પણ કહેવાય છે. આ એકાદશીનું શાસ્ત્રોક્ત દ્રષ્ટીએ મહત્વ જણાવતાં પંચરાત્રની અનંતસહિતાના દસમાં અધ્યાયમાં લખ્યું છે કે,’ ભાદરવા સુદ એકાદશીના દિવસે ભગવાનને ૧૦૦૧ કળશથી નવા જળનો અભિષેક કરવો જોઈએ.’
સ્વયં ભગવાન કહે છે કે, “ મારા પોઢવાના દિવસે ( દેવશયની એકાદશી ), મારા ઊઠવાના દિવસે (પ્રબોધિની એકાદશી) ને મારા પડખા ફેરવવાના દિવસે (પરિવર્તિની – જળઝીલણી એકાદશી) – વ્યક્તિ દૂધ, જળ કે ફળ- પત્ર આરોગે છે, તે મારા હૃદયમાં શૂળ ભોંકે છે.” અર્થાત આ ત્રણે એકાદાશીઓ સંપૂર્ણ નિર્જળા કરવી જ જોઈએ.
શ્રી સ્વામિનારાયણ ભગવાન જ્યારે મનુષ્ય સ્વરુપે દર્શન આપતા હતા ત્યારે તેમણે પણ ગઢપુર, કારીયાણી, અમદાવાદ આદિ અનેક સ્થળોએ ઘણી વખત જળ ક્રિડા કરી છે. શ્રી સ્વામિનારાયણ ભગવાનની જળક્રિડાની લીલાનું માત્ર શ્રવણ કરવામાં આવે તો પણ જન્મ અને મરણના દુ:ખને ટાળી નાંખી છે. તેથી શાસ્ત્રોમાં જ્યાં-જયાં આવી ભગવાનની લીલાનું શ્રવણ કરવાથી તેનું વિશેષ ફળ મળે છે. આ પાવન પર્વે સત્સંગની માં સદ્ગુરુ શ્રી મુક્તાનંદ સ્વામીએ કીર્તનની રચના કરી છે.
નૌકા મેં ઘનશ્યામ, વિરાજત નૌકા મેં ઘનશ્યામ,
ધ્વજ તોરણ જુત નવ મનોહર, ગાવત ભક્ત વૃંદ…
જળઝીલણી એકાદશીનો મંગલ ઉત્સવ સ્વામિનારાયણબાપા સ્વામીબાપા અને વિશ્વવાત્સલ્યમહોદધિ આચાર્ય શ્રી પુરુષોત્તમપ્રિયદાસજી સ્વામીજી મહારાજના દિવ્ય સાન્નિધ્યમાં તથા શ્રી સ્વામિનારાયણ ગાદીના આચાર્ય શ્રી જિતેન્દ્રિયપ્રિયદાસજી સ્વામીજી મહારાજની અનુજ્ઞાથી ભવ્યતા અને દિવ્યતાસભર ભક્તિભાવથી ઊજવવામાં આવ્યો હતો.
વિશાળ જળપાત્રમાં મનોરમ્ય નૌકામાં શ્રી ઠાકોરજીને પધરાવ્યા હતા. શ્રી સ્વામિનારાયણ ગાદીના આચાર્ય શ્રી જિતેન્દ્રિયપ્રિયદાસજી સ્વામીશ્રી મહારાજની અનુજ્ઞાથી પૂજનીય સંતોએ જળવિહાર કરતા શ્રી ઠાકોરજીનાં દર્શન અને પ્રાર્થના કરી હતી. ભક્તિભાવપૂર્વક શ્રી હરિકૃષ્ણ મહારાજ – શ્રી ઠાકોરજીના દર્શને સંતો-ભક્તોનાહૈયે સદાયને માટે દિવ્યતાનાં આંદોલનો પ્રસરાવી દીધાં હતાં.
આમ, જળઝીલણી એકાદશીના પર્વે સૌએ પુષ્પાંજલિ અનેઆરતી અર્પણનો લાભ લીધો. સમગ્ર વાતાવરણ મંગલમય બની ગયું હતું. મણિનગર શ્રી સ્વામિનારાયણ ગાદી સંસ્થાન સંચાલિત શ્રી સ્વામિનારાયણ મંદિર, ભુજ- કચ્છમાં શ્રી સહજાનંદચરણદાસજી સ્વામી તેમજ મહંત શ્રી ધર્મવત્સલદાસજી, શ્રી વિવેકભૂષણદાસજી સ્વામી, શ્રી નિર્દોષસ્વરૂપદાસજી સ્વામી આદિ પૂજનીય સંતો સહ જળઝીલણી એકાદશીની અનેરા મહાત્મ્યસભર ઉજવણી કરવામાં આવી હતી.
