છેલ્લા વીસેક વરસથી ફૂટબોલની રમતમાં જામનગરની ટીમે અનેક કિતાબો જીતી જામનગરને ગૌરવ અપાવ્યું છે. સિનિયર વિભાગમાં ખેલમહાકુંભ તથા રાજ્યકક્ષાની સ્પર્ધાઓમાં જામનગરની ટીમ પાંચમી વખત ચેમ્પિયન તથા રનર્સઅપ થઈ છે. આ સંજોગોમાં જામનગરના નવયુવા, ઉગતા ખેલાડીઓ માટે એક
.
જામનગર ફુટબોલ એસોસીએશનના સેક્રેટરી આનંદ માડમે મંત્રીને કરેલી રજૂઆતમાં જણાવ્યાનુસાર હાલ જામનગરમાં સેંકડો ખેલાડીઓ અલગ-અલગ વય વિભાગમાં ફૂટબોલ રમતમાં રસ દાખવીને, અલગ-અલગ પ્રાઈવેટ એકેડમીઓમાં ફી ભરીને પ્રેક્ટિસ કરતા થયા છે, ત્યારે એ લોકો માટે જામનગર ડિસ્ટ્રિક્ટ ફૂટબોલ એસોસિએશન હસ્તકનું એક નિઃશુલ્ક સાર્વજનિક મેદાન હોવું ખૂબ જરૂરી છે. હાલ સરકાર હસ્તકનું ડીકેવી કોલેજનું ફૂટબોલ મેદાન અને જામ્યુકો હસ્તકનું એમ્યુઝમેન્ટ પાર્ક નજીકનું એક મોટું મેદાન સાવ ફાજલ પડેલ હોય, જેમાંથી કોઈ એક મેદાન, સાર્વજનિક રીતે જાહેર જનતાને ફૂટબોલ રમત માટે ફાળવવામાં આવે તેવી માંગણી કરી છે.
જાહેર હીત માટે ફાળવવામાં આવેલા ફૂટબોલ મેદાનનો કબજો સરકાર રાખે, પણ તેના સુનિયોજીત સંચાલન માટે આ મેદાનને જામનગર ડિસ્ટ્રિક્ટ ફૂટબોલ એસોસિએશનને ફાળવવા માંગણી કરી છે. જેથી જામનગરની ટીમો અને ખેલાડીઓ આખું વર્ષ આ મેદાન ઉપર નિઃશુલ્ક ફૂટબોલ રમી શકે અને રમતમાં વિજેતા થઇ શકે.
અત્રે નાેંધનીય છેકે, જામનગરની ફૂટબોલની ટીમ રાજ્ય કક્ષાની સ્પર્ધાઓમાં પાંચ વખત ચેમ્પિયન અને અન્ય હરીફાઇમાં રનર્સ અપ રહી છે ત્યારે ખેલાડીઓનો ઉત્સાહ વધે અને જામનગરનું નામ રાજ્ય સહિત દેશભરમાં રોશન થાય તે માટે ફૂટબોલ મેદાનની સુવિધા જરૂરી છે.
