પાટડી તાલુકાના ઓડુ ગામની સીમમાથી ગેરકાયદેસર એક દેશી હાથ બનાવટની મજલલોડ સીગલ બેરલ બંદુક સાથે એક ઇસમ ઝડપાયો હતો. સુરેન્દ્રનગર લોકલ ક્રાઇમ બ્રાન્ચની ટીમે ઓડુ ગામની સીમ ખારાના માર્ગ પાસેથી આ શખશને ઝબ્બે કરી વધુ કાર્યવાહી હાથ ઘરી છે.
Related posts
.
સુરેન્દ્રનગર એલ. સી.બી. પોલીસ ઇન્સ્પેકટર જે. જે. જાડેજા તથા એલ. સી. બી. ઇંન્ચાર્જ પોલીસ સબ ઇન્સ્પેક્ટર એન. એ. રાયમાએ એલ.સી.બી. સ્ટાફની અલગ અલગ ટીમો બનાવી પાટડી પોલીસ સ્ટેશન વિસ્તારના ઓડુ ગામની સીમ ખારાના માર્ગમાંથી મનીષભાઇ શકતાભાઇ નગવાડીયા (રહે-ગામ ઓડુ, તા.પાટડી) વાળાને એક દેશી હાથ બનાવટની મજલલોડ બંદુક કિ.રૂા.5,000ના મુદામાલ સાથે પકડી પાડી આ શખશ વિરુધ્ધમા પાટડી પોલીસ સ્ટેશનમાં હથીયાર ધારા મુજબ ગુનો રજી કરાવી કાયદેસરની કાર્યવાહી કરવામા આવી છે. આ દરોડામાં સુરેન્દ્રનગર એલ.સી.બી.ના પોલીસ ઇન્સ્પેકટર જે.જે.જાડેજા તથા ઇન્ચાર્જ પીએસઆઇ એન.એ.રાયમા તથા પરીક્ષીતસિંહ ઝાલા તથા યશપાલસિંહ રાઠોડ તથા પેરોલ ફર્લો સ્કોડના અજયસિંહ ઝાલા સહિતનો પોલીસ સ્ટાફ સાથે હાજર હતો.
