સુરેન્દ્રનગર જિલ્લાના સમલા ગામમાં પીવાના પાણીની ગંભીર સમસ્યાને કારણે આજે ગ્રામજનોએ લીંબડી-વઢવાણ નેશનલ હાઈવે પર ચક્કાજામ કર્યો હતો. આ ચક્કાજામને કારણે હાઈવેના બંને માર્ગ પર વાહનોની કતારો લાગી હતી.
.
છેલ્લા એક વર્ષથી સમલા ગામમાં પીવાના પાણીની સમસ્યા વણઉકેલી રહી છે. ભર ઉનાળામાં પરિસ્થિતિ વધુ વણસી છે. મહિલાઓને ધોમધખતા તાપમાં પાણીની એક-એક બૂંદ માટે વલખાં મારવા પડે છે. આ સમસ્યાથી ત્રસ્ત થયેલી મહિલાઓએ આજે રોષ સાથે આંદોલન શરૂ કર્યું હતું.
ચક્કાજામની જાણ થતાં લીંબડી પોલીસનો કાફલો તાત્કાલિક ઘટનાસ્થળે પહોંચ્યો હતો. પોલીસે આંદોલનકારી મહિલાઓને સમજાવવાનો પ્રયાસ કર્યો હતો. હાલમાં ભર ઉનાળામાં પીવાના પાણીની અછતને કારણે અનેક લોકો મુશ્કેલીનો સામનો કરી રહ્યા છે.
