સાવલી તાલુકાના મૂઢેલા ગામમાં રહેતા અજય રાઠોડ ગઈકાલે સવારે બાઈક લઈને નોકરી પર જવા નીકળ્યા હતા. ત્યારબાદ સાંજે તેમની બાઈકને પંચર થતાં તેમના મિત્રને પંચર માટે બાઈક આપી મિત્રની બાઈક લઈને તેઓ ઇન્દ્રાદથી મોટાપુરા ગામ વચ્ચેથી પસાર થતા હતા તે વખતે એક ટાટા ટ્રકે બાઇકને જોરદાર ટક્કર મારતા અજય રોડ ઉપર ફંગોળાતા ગંભીર ઈજા થતા તેનું મોત થયું હતું. અકસ્માત બાદ ટ્રક મૂકીને ચાલક નાસી ગયો હતો. આ બનાવ અંગે મૃતક અજયના ભાભી કાજલબેને મંજુસર પોલીસમાં ફરિયાદ નોંધાવતા પોલીસે ટ્રક ચાલકની શોધહાથ ધરી છે.
