દાહોદ જિલ્લાના સીંગવડ તાલુકામાં મનરેગા યોજના હેઠળ થયેલા ભ્રષ્ટાચારનો મોટો ખુલાસો થયો છે. તાલુકા પંચાયત કચેરી સુધી પહોંચવા માટે બે વર્ષ પહેલાં 6 લાખના ખર્ચે બનાવવામાં આવેલો RCC રોડ આજે સંપૂર્ણપણે બિસ્માર હાલતમાં છે. રોડની સ્થિતિ એટલી ખરાબ છે કે તેને મ
.
વિશેષ ચિંતાજનક બાબત એ છે કે મનરેગા યોજનાના નિયમ મુજબ કામની તમામ વિગતો સાથેનું બોર્ડ સ્થળ પર લગાવવું ફરજિયાત છે, પરંતુ અહીં કોઈ માહિતી પ્રદર્શિત કરવામાં આવી નથી. દરરોજ તાલુકા વિકાસ અધિકારી આ રોડ પરથી પસાર થતા હોવા છતાં તેમણે આ ગેરરીતિ તરફ ધ્યાન ન આપ્યું તે પણ પ્રશ્નો ઉભા કરે છે. સ્થાનિક રહીશોએ જવાબદાર અધિકારીઓ સામે કડક કાર્યવાહીની માંગ કરી છે. તાજેતરમાં જ સીંગવડ ગામમાં મનરેગા યોજનાના અન્ય કામોમાં પણ ભ્રષ્ટાચારની ફરિયાદો ઉઠી હતી, જેને દબાવવાનો પ્રયાસ કરાયો હતો. હવે આ નવા કિસ્સામાં ભ્રષ્ટાચાર આચરનાર કર્મચારીઓ સામે તપાસ કરી યોગ્ય પગલાં લેવાની માંગ ઉઠી રહી છે.
મનરેગા યોજનાના કર્મચારીઓ દ્વારા આચરવામા આવેલા ભ્રષ્ટાચાર મામલે દિવ્ય ભાસ્કરે તાલુકા વિકાસ અધિકારી મેહુલ ભગોરાનો રુબરુ સંપર્ક કરવાનો પ્રયત્ન કરવામા આવ્યો હતો પરંતુ કચેરીમા હાજર ના હોઈ સંપર્ક થઈ શક્યો ન હતો, ટેલીફોનીક સંપર્ક કરવાનો પ્રયત્ન કરવામા આવતા તાલુકા વિકાસ અધિકારી ફોન રીસીવ નહિ કરતા સંપર્ક થઈ શક્યો ન હતો. સીંગવડ તાલુકા પંચાયત કચેરી સુધી જે આર.સી.સી. રોડ જે ટેકનિકલ આસિસ્ટન્ટની દેખરેખ હેઠળ બનાવવામા આવ્યો હતો, તે ટેકનિકલ આસિસ્ટન્ટ પ્રેમ પ્રજાપતિનો ટેલીફોનીક સંપર્ક કરતા તેમણે આ બાબતે કંઈ પણ કહેવાનો ઈન્કાર કર્યો હતો.
