સુરતના કાપોદ્રા વિસ્તારમાં આજે રાત્રિના સમયે સરાજાહેર એક યુવકની હત્યા નિપજાવી દેવાતા ચકચાર મચી છે. અજાણ્યા શખ્સોએ ચપ્પુના ઉપરાછાપરી ઘા મારતા યુવક ઘટનાસ્થળે જ ઢળી પડ્યો હતો. ઘટનાની જાણ થતા પોલીસ કાફલો ઘટનાસ્થળ પર પહોંચ્યો હતો અને આરોપીઓની શોધખોળ હાથ ધ
.
સુરતના કાપોદ્રા વિસ્તારમાં મુરઘા કેન્દ્ર પાસે યુવકની હત્યા કરવાની ઘટના સામે આવતા ચકચાર મચી ગઈ છે. યુવકની તીક્ષ્ણ હથિયાર વડે હત્યા કરવામાં આવી છે. યુવકનો મૃતદેહ જાહેર સ્થળ ઉપર પડતા લોકોનું ટોળું એકત્રિત થઈ ગયું હતું. યુવકનું મૃતદેહ લોહીલુહાણ હાલતમાં જોવા મળ્યો હતો. યુવકને આસપાસના વિસ્તારના લોકો જાણતા હતા. ઘટનાની પોલીસનો ઉચ્ચ અધિકારીઓ તપાસનો ધમધમાટ શરૂ કરાવ્યો છે. કયા કારણસર હત્યા થઈ છે તે અંગે હજી સુધી કોઈ માહિતી પ્રાપ્ત થઈ નથી.
કાપોદ્રા પોલીસે ટીમ બનાવી તપાસ શરૂ કરી યુવક પર કોઈ કારણસર ચપ્પુ વડે હુમલો કરવામાં આવ્યો હતો. અજાણ્યા ઇસમો દ્વારા હુમલો કરવામાં આવ્યા હોવાની હાલ ચર્ચા ચાલી રહી છે. ચપ્પુ વડે યુવક ઉપર છાપરી ઘા કરાતા ઋષિ ગુલાબચંદ પાંડે ઉર્ફ પંડિતનું મોત નીપજયું છે.યુવક પર હુમલો કરી અજાણ્યા ઈસમો ફરાર ફરાર થઈ ગયા છે.બનાવની જાણ થતા કાપોદ્રા પોલીસ ઘટના સ્થળે પહોંચી ઘટના સ્થળે ઉચ્ચ પોલીસ અધિકારી સહિતની ટીમ પહોંચી ગુનો દાખલ કરી તપાસ શરૂ કરી છે. અજાણ્યા ઈસમને શોધવા માટે સીસીટીવી ચેક કરવામાં આવી રહ્યા છે તેમજ આસપાસના લોકોના નિવેદન લેવાના પણ શરૂ કરાયા છે.
