Updated: Dec 12th, 2023
– એક વર્ષ અગાઉ પણ આરોપી ઝડપાયો હતો
વડોદરા,તા.12 ડિસેમ્બર 2023,મંગળવાર
સાવલી તાલુકાના ગુતરડી ગામે રાવળવગામાં રહેતો લક્ષ્મન ચીમન રાવળ પોતાનાં ઘરમાં નશાકારક ગાંજાનો જથ્થો રાખી તેનું વેચાણ કરે છે. તેવી બાતમીના આધારે જિલ્લા એસઓજીએ દરોડો પાડી તપાસ હાથ ધરતા તેનાં ઘરમાંથી 5 કિલો 900 ગ્રામ ગાંજાનો જથ્થો મળતાં લક્ષ્મણની ઘરપકડ કરવામાં આવી હતી. અને કુલ રૂ.64500નો મુ્દામાલ કબજે કરી પોલીસે વધુ તપાસ હાથ ધરી છે. ઉલ્લેખનિય છે કે એક વર્ષ અગાઉ પણ તે ઝડપાયો હતો.
