વડોદરાના કારેલીબાગ વિસ્તારના રાત્રિ બજારમાં ગઈ મોડી રાતે ચાર સશસ્ત્ર હુમલાખોરોએ તોડફોડ કરતા લોકોમાં નાસભાગ મચી હતી. બનાવનો વિડીયો પણ વાયરલ થયો હતો.
બનાવની વિગતો મુજબ રાત્રિ બજારમાં આઇસ્ક્રીમ પાર્લર પર મહિલા દુકાનદાર હાજર હતી. તે દરમિયાન કેટલાક યુવકોએ પાણીપુરી ખાવાના મુદ્દે માથાકૂટ કરી હતી. ત્યારબાદ ચાર હુમલા ખોરો એ ધારિયા અને લાકડી જેવા મારક હથિયારો સાથે અપ શબ્દો ઉચ્ચારતા અને બૂમાબૂમ કરતા દુકાનમાં તોડફોડ કરી હતી.
બનાવને પગલે પરિવાર સાથે આવેલા ગ્રાહકો તેમજ દુકાનદારોમાં ભારે ગભરાટ ફેલાયો હતો અને નાસભાગ મચી હતી. મોઈન અને રેહાન સાથે ના કુલ ચાર હુમલાખોરોએ આઇસ્ક્રીમ પાર્લરમાં તોડફોડ કરી હતી અને મહિલા દુકાનદાર પર લાકડી વડે હુમલો પણ કર્યો હતો.
ઉપરોક્ત બનાવવા અંગે દિનેશ શર્માએ પોલીસ ફરિયાદમાં કહ્યું હતું કે, હુમલાખોરો કાઉન્ટર માંથી રૂ. 700 પણ લૂંટી ગયા હતા. હરણી પોલીસના પીએસઆઇએ બનાવ અંગે ગુનો નોંધી તપાસ હાથ ધરી છે.
