બનાસકાંઠા જિલ્લામાં ગરમીનો પ્રકોપ વધી રહ્યો છે. હવામાન વિભાગે 6થી 8 એપ્રિલ સુધી યેલો એલર્ટની આગાહી કરી છે.
.
ગઈકાલે સવારે જિલ્લામાં લઘુતમ તાપમાન 21.3 ડિગ્રી નોંધાયું હતું. બપોર બાદ મહત્તમ તાપમાન 41.2 ડિગ્રી સુધી પહોંચ્યું હતું. હવામાન વિભાગના અનુમાન મુજબ આજે પણ મહત્તમ તાપમાન 41 ડિગ્રીથી વધુ રહી શકે છે. એપ્રિલની શરૂઆતથી જ જિલ્લામાં તાપમાન 41 ડિગ્રી સુધી પહોંચી ગયું છે. છેલ્લા ત્રણ દિવસથી દિવસ અને રાત્રિનું તાપમાન સતત વધી રહ્યું છે. આજે સાંજે તાપમાન 27 ડિગ્રીથી વધુ રહેવાની સંભાવના છે. હવામાન વિભાગે સાંજના સમયે 5 માઈલ પ્રતિ કલાકની ઝડપે હળવો પવન ફૂંકાવાની આગાહી કરી છે. નાગરિકોને ગરમીથી સાવચેત રહેવાની સલાહ આપવામાં આવી છે.
