વડોદરા શહેરના વારસિયા વિસ્તારમાં પત્ની પર ચપ્પુ વડે હુમલો કર્યા બાદ પતિએ ગળે ફાંસો ખાઈને આપઘાત કરી લીધો છે. આ ઘટનામાં પતિનું મોત થયું છે, તેની પત્ની ઇજાગ્રસ્ત થતાં તેને સારવાર માટે હોસ્પિટલમાં દાખલ કરવામાં આવી છે. આ મામલે વારસિયા પોલીસે ગુનો નોંધીને
.
વડોદરાના વારસિયા વિસ્તારમાં આવેલી સંત કવર કોલોનીમાં રહેતા જયોત્સનાબેન ઉર્ફે જયોતિ વાઘારામ સરગરા (મારવાડી), (ઉં.વ.40)એ વરસીયા પોલીસ સ્ટેશનમાં નોંધાવેલી ફરિયાદમાં જણાવ્યું છે કે, મારા પતિ વાઘારામ મોહનલાલ સરગરા (મારવાડી) એ આજે સવારના આશરે 3.45 વાગ્યે મળી પાસે દારૂ પીવાના 20 રૂપિયા માગ્યા હતા, પરંતુ મેં 20 રૂપિયા આપ્યા નહોતા, જેથી મારા પતિ પોતાની જાતે કાપડની થેલીમાં મૂકેલા રૂપિયામાંથી 20 રૂપિયા લઈ ગયા હતા
પત્ની પર જીવલેણ હુમલો કર્યા બાદ પતિએ ગળે ફાંસો ખાઈને આપઘાત કરી લીધો
ઈજાગ્રસ્ત છતાં પતિને બચાવવા નાયલોનની પટ્ટી કાપી મારા પતિ દારૂ પીને આવ્યા બાદ મને જણાવ્યું હતું કે, આજે મારે મરી જવું છે, તેમ કહેતા મેં આવું કરવાની ના પાડી હતી, જેથી મારા પતિએ મને કહ્યું હતું કે, તને પહેલા મારીશ, પછી હું મરી જઈશ, તેવી ધમકી આપી હતી અને મને શાકભાજી સમારવાના ચપ્પા વડે ગળાના ભાગે ચપ્પુનો ઘા માર્યો હતો અને પોતે ખાટલાની નાયલોન પટ્ટીથી પંખા વડે ગળે ફાંસો ખાઈને આપઘાત કરી લીધો હતો. મને ગળાના ભાગે વાગ્યું હોવા છતાં હિંમત કરીને મેં મારા પતિના ગળામાંથી ચપ્પુ વડે નાયલોનની પટ્ટી કાપી નાંખી હતી, જોકે, તેમનું મોત થઈ ગયુ હતું. જેથી મેં મારા મામા દીપક મારવાડીને ફોન કર્યો હતો, જેથી તેઓ તુરંત જ આવી ગયા હતા અને મને 108 એમ્બ્યુલન્સમાં સયાજી હોસ્પિટલમાં લઈ જવાઈ હતી.
ઘટનાસ્થળે પોલીસ દોડી ગઈ
વારસિયા પોલીસ ઘટનાસ્થળે દોડી ગઈ ઘટનાની જાણ થતાં વારસિયા પોલીસ દોડી ગઈ હતી અને ઈજાગ્રસ્ત પત્નીને તુરંત જ હોસ્પિટલમાં ખસેડવામાં આવી હતી અને પતિના મૃતદેહને પોસ્ટમોર્ટમ અર્થે સયાજી હોસ્પિટલમાં આવ્યો છે. વારસિયા પોલીસે મૃતક આરોપી પતિ વાધારામ મોહનલાલ સરગરા (મારવાડી) (હાલ રહે. મ.નં.ટી/4 રૂમ નં.38 સંત કવર કોલોની વારસીયા, વડોદરા, મુળ રહે. ગામ કોંમ્બા (કોબા) તા.જોધરપુર થાના-આવર જોધપુર રાજસ્થાન) સામે ગુનો નોંધીને વધુ તપાસ શરૂ કરી છે.
પતિએ મહિલાના ગળાના ભાગે ચપ્પુ માર્યુ
ઈજાગ્રસ્ત પત્નીને સયાજી હોસ્પિટલમાં દાખલ કરાઈ વારસિયા પોલીસ સ્ટેશનના પીઆઇ એસ.એમ. વસાવાએ જણાવ્યું હતું કે, પતિએ પત્ની પર હુમલો કરીને પોતે આપઘાત કર્યો હતો.. આ ઘટનામાં પત્નીને ગળાના ભાગે સામાન્ય ઇજા થઇ છે. તે સયાજી હોસ્પિટલમાં દાખલ છે અને તેની તબિયત સારી છે. આ મામલે ગુનો નોંધીને વધુ તપાસ શરૂ કરી છે.
108ની ટીમ ઘટનાસ્થળે દોડી ગઈ