લોસ એન્જલસ8 મિનિટ પેહલા
- કૉપી લિંક
સોમવારે ભારે પવનની ચેતવણી આપવામાં આવી છે. આના કારણે હજુ પણ આગ ફેલાવાનું જોખમ છે.
અમેરિકાના કેલિફોર્નિયા રાજ્યમાં લાગેલી આગમાં 24 લોકોના મોત થયા છે. ઓસ્ટ્રેલિયન ટીવી એક્ટર રોરી સાઈક્સ પણ માર્યા ગયેલાઓમાં સામેલ છે. છેલ્લા 7 દિવસથી લાગેલી આગ પર હજુ સુધી કાબુ મેળવી શકાયો નથી. ઈટન અને પેલિસેડ્સમાં 16 લોકો ગુમ થયાની જાણ થઈ હતી.
રવિવારે લોસ એન્જલસમાં પવનની ગતિ થોડી ઘટી હતી. જેના કારણે ફાયર ફાઈટરોને આગ પર કાબૂ મેળવવામાં મદદ મળી હતી. જો કે મોડી રાત સુધીમાં ભારે પવનની ચેતવણી આપવામાં આવી છે. જેના કારણે લોસ એન્જલસના બે જંગલોમાં લાગેલી આગને ઝડપથી ઓલવવાના પ્રયાસો કરવામાં આવ્યા હતા.
કાઉન્ટીના તમામ લોકોને અગાઉથી જ ચેતવણી આપવામાં આવી છે કે તેઓને કોઈપણ સમયે તેમના ઘર ખાલી કરવા માટે કહેવામાં આવી શકે છે.
આગ અને વિનાશની તસવીરો…
પેલિસેડ્સ આગ લાગવાની શરૂઆતનો વીડિયો.
આગની વચ્ચે એક યુવક સસલાને બચાવવાનો પ્રયાસ કરે છે.
લોસ એન્જલસના એન્સિનોમાં ફાયરની ટીમનો સભ્ય આગ ઓલવવાનો પ્રયાસ કરી રહ્યા છે.
પેલિસેડ્સ બીચ પર આગથી થયેલા નુકસાનનો ફોટો.
આગમાં ઘાટીમાં બનેલા મકાનો બળીને ખાખ થઈ ગયા હતા.
જવાબદાર અધિકારીઓ પર ટ્રમ્પ ગુસ્સે થયા
નવા ચૂંટાયેલા રાષ્ટ્રપતિ ડોનાલ્ડ ટ્રમ્પે રવિવારે ફરીથી લોસ એન્જલસમાં જંગલની આગને હજી સુધી આગ પર કાબુ ન મેળવવા મામલે જવાબદાર અધિકારીઓની નિંદા કરી. ટ્રમ્પે સોશિયલ મીડિયા પર લખ્યું-
લોસ એન્જલસમાં હજુ પણ આગ ભભૂકી રહી છે. અસમર્થ નેતાઓને આગ કેવી રીતે ઓલવવી તે ખબર નથી.
આગને કારણે 12 લાખ કરોડ રૂપિયાનું નુકસાન
રોયટર્સ અનુસાર, લોસ એન્જલસ (LA)માં લાગેલી આગને કારણે લગભગ રૂ. 11.60 લાખ કરોડથી રૂ. 13 લાખ કરોડ ($ 135-150 અબજ)નું નુકસાન થવાની સંભાવના છે. અહી આગ પર અમુક અંશે કાબુ મેળવી લેવામાં આવ્યો છે. લોકોને માસ્ક પહેરવાની અપીલ કરવામાં આવી છે. અમેરિકાને આગનો સામનો કરવામાં મદદ કરવા માટે મેક્સિકોથી ફાયર ફાઈટર્સ પહોંચ્યા છે.
બીજી તરફ લોસ એન્જલસ પોલીસના જણાવ્યા અનુસાર બ્રેટનવુડમાં વાઇસ પ્રેસિડેન્ટ કમલા હેરિસના ઘરે ચોરી કરવાનો પ્રયાસ કરવામાં આવ્યો હતો. આ કેસમાં બે લોકોની ધરપકડ કરવામાં આવી હતી, જોકે બાદમાં તેમને છોડી દેવામાં આવ્યા હતા. પોલીસે કહ્યું કે તેમની પાસે એવો કોઈ પુરાવો નથી કે આ બે લોકો ચોરી કરવાના ઈરાદાથી ત્યાં હાજર હતા.
આગ બાદ વોટર હાઇડ્રેન્ટ્સ ખાલી થયા
લોસ એન્જલસ વોટર ડિપાર્ટમેન્ટના જણાવ્યા અનુસાર, કેલિફોર્નિયામાં તમામ વોટર હાઇડ્રેન્ટ્સ આગ પહેલા સંપૂર્ણ રીતે કાર્યરત હતા. આગ ઓલવવા માટે પાણીની વધુ માંગને કારણે સિસ્ટમ પર દબાણ વધ્યું અને પાણીનું સ્તર ઘટ્યું.
તેના કારણે 20% વોટર હાઈડ્રેન્ટને અસર થઈ. ખરેખરમાં, કેલિફોર્નિયામાં ઘણી જગ્યાએ વોટર હાઇડ્રેન્ટ્સ ખાલી થઈ ગયા છે. NYT અનુસાર, રાજ્યના ગવર્નર ગેવિન ન્યૂઝમે શુક્રવારે વોટર હાઇડ્રેન્ટમાં આટલી ઝડપથી પાણી કેવી રીતે ખતમ થઈ ગયું તેની તપાસનો આદેશ આપ્યો હતો.
આગના સંકટ વચ્ચે કેલિફોર્નિયાના સાંતા મોનિકા શહેરમાં લૂંટની ઘટના સામે આવી છે, જે બાદ પ્રશાસને કર્ફ્યુ જાહેર કર્યો છે. આ કેસમાં 29 લોકોની ધરપકડ કરવામાં આવી છે. આમાંથી બે લોકો ફાયર ફાઈટરના ડ્રેસમાં હાજર હતા.
તસવીરોમાં રેસ્ક્યુ ઓપરેશન…
કેલિફોર્નિયાની મદદ માટે મેક્સિકોથી ફાયર ફાઈટરની ટીમ પહોંચી હતી.
ફાયર ફાઇટર આગને વધુ પ્રસરે નહીં તે માટે ફાયર લાઇન કાપવાનો પ્રયાસ કરી રહ્યા છે.
પેલિસેડ્સમાં લાગેલી આગ વચ્ચે હેલિકોપ્ટરથી કેમિકલનો છંટકાવ કરી રહ્યું છે.
કેલિફોર્નિયામાં લાગેલી આગમાં અત્યાર સુધી શું-શું થયું…
- પેરિસ હિલ્ટન, ટોમ હેન્ક્સ, સ્ટીવન સ્પીલબર્ગ જેવી હોલિવૂડ સેલિબ્રિટીઓનાં ઘર સળગી ગયાં હતાં.
- ઉપરાષ્ટ્રપતિ કમલા હેરિસનું ઘર ખાલી કરાવવામાં આવ્યું છે.
- રાષ્ટ્રપતિ જો બાઈડને તેમની ઇટાલીની મુલાકાત રદ કરી હતી.
- ડોનાલ્ડ ટ્રમ્પે આગ માટે વર્તમાન બાઈડન સરકારને જવાબદાર ગણાવી અને કહ્યું- આ મારા માટે છોડીને બાઈડન જઈ રહ્યા છે.
