3 કલાક પેહલા
- કૉપી લિંક
અમેરિકામાં રવિવારે એક મોટી વિમાન દુર્ઘટના ટળી હતી. હ્યુસ્ટન એરપોર્ટ પર યુનાઈટેડ એરલાઈન્સના વિમાનમાં ટેકઓફ કરતી વખતે આગ લાગી હતી. રિપોર્ટ અનુસાર, પ્લેન હ્યુસ્ટનના જ્યોર્જ બુશ ઈન્ટરનેશનલ એરપોર્ટથી ન્યૂયોર્ક માટે રનવે પર ઉડાન ભરવાનું હતું ત્યારે તેની એક વિંગ આગ લાગી ગઈ હતી. વિમાનમાં આગ દેખાતાની સાથે જ તેને તરત જ ટેક ઓફ કરતા અટકાવી દેવામાં આવ્યું હતું અને મુસાફરોને પ્લેનમાંથી બહાર કાઢવામાં આવ્યા હતા. હ્યુસ્ટન ફાયર વિભાગનું કહેવું છે કે આ ઘટનામાં કોઈને ઈજા થઈ નથી. ન્યૂયોર્ક પોસ્ટના રિપોર્ટ અનુસાર પ્લેનમાં 104 મુસાફરો અને પાંચ ક્રૂ મેમ્બર સવાર હતા. આ પહેલા શુક્રવારે ફિલાડેલ્ફિયામાં એક મોલ પાસે પ્લેન ક્રેશ થયું હતું. આ અકસ્માતમાં સાત લોકોના મોત થયા હતા અને 19 લોકો ઘાયલ થયા હતા.
ફોક્સ 26 ન્યૂઝના અહેવાલ મુજબ, હ્યુસ્ટન એરપોર્ટ દ્વારા બહાર પાડવામાં આવેલા એક વીડિયોમાં વિમાનની વિંગમાં આગ લાગી હોવાનું દર્શાવવામાં આવ્યું છે. એક ફ્લાઇટ એટેન્ડન્ટ મુસાફરોને શાંત રહેવા અને તેમની સીટ પર રહેવાની સૂચના આપતા સાંભળાય છે. હ્યુસ્ટન ફાયર ડિપાર્ટમેન્ટે પુષ્ટિ આપી કે આ ઘટનામાં કોઈ ઘાયલ થયાના અહેવાલ નથી અને તેમને આગ ઓલવવાની જરૂર પડી નથી. FAA એ ઘટનાની તપાસ શરૂ કરી દીધી છે.
શનિવારે એક પ્લેન ક્રેશ થયું હતું
શનિવારે યુએસએના ફિલાડેલ્ફિયામાં ટેકઓફ કર્યાના માત્ર 30 સેકન્ડ પછી એક ગીચ વસ્તીવાળા વિસ્તારમાં એક પ્લેન ક્રેશ થયું હતું, જેના કારણે ઘણા ઘરોમાં આગ લાગી હતી. તે એક ‘એર એમ્બ્યુલન્સ’ હતી જેમાં એક છોકરી, તેની માતા અને અન્ય ચાર લોકો સવાર હતા. આ તમામ મેક્સિકોના રહેવાસી હતા. પ્લેન ક્રેશ નોર્થઈસ્ટ ફિલાડેલ્ફિયા એરપોર્ટથી 4.8 કિલોમીટરથી ઓછા અંતરે રૂઝવેલ્ટ મોલ પાસે થયું હતું. ‘લીઅરજેટ 55’ એરક્રાફ્ટે સાંજે 6.06 વાગ્યે એરપોર્ટ પરથી ઉડાન ભરી હતી અને 1,600 ફૂટની ઊંચાઈએ પહોંચ્યા બાદ રડારનો સંપર્ક ગુમાવ્યો હતો. સંપૂર્ણ સમાચાર વાંચવા માટે અહીં ક્લિક કરો
અમેરિકામાં પેસેન્જર પ્લેન અને હેલિકોપ્ટરની ટક્કર:67નાં મોતની આશંકા, 30 મૃતદેહ મળ્યા; ટક્કર બાદ ત્રણ ટુકડા થયા, ક્રેશ પાછળ કોઈ કાવતરું?, ટ્રમ્પે ઉઠાવ્યા સવાલ
અમેરિકાની રાજધાની વોશિંગ્ટન ડીસીમાં બુધવારે રાત્રે લગભગ 9 વાગ્યે એક પેસેન્જર વિમાન અને હેલિકોપ્ટર વચ્ચે ટક્કર થઈ હતી. જે બાદ, બંને પોટોમેક નદીમાં પડી ગયા. વિમાનમાં 64 લોકો સવાર હતા, જેમાં 4 ક્રૂ મેમ્બરનો સમાવેશ થાય છે. હેલિકોપ્ટરમાં 3 લોકો હતા. એવી આશંકા છે કે આ બધાનાં મોત થયા હોય. સંપૂર્ણ સમાચાર વાંચવા માટે અહીં ક્લિક કરો
