બાઇડનનો દાવો- ઈઝરાયલે યુદ્ધવિરામ પ્રસ્તાવ સ્વીકાર્યો: કહ્યું- હવે યુદ્ધ રોકવાનો સમય આવી ગયો છે, હમાસમાં ઇઝરાયલ પર વધુ હુમલો કરવાની હિંમત નથી

અમેરિકાના રાષ્ટ્રપતિ જો બાઇડને શુક્રવારે દાવો કર્યો હતો કે ઈઝરાયલે યુદ્ધવિરામની નવી યોજના સ્વીકારી લીધી છે. વ્હાઇટ હાઉસમાં યોજાયેલી પ્રેસ કોન્ફરન્સમાં બાઇડને કહ્યું કે હમાસમાં હવે ઇઝરાયલ પર વધુ હુમલા કરવાની હિંમત નથી.

બાઇડનના જણાવ્યા અનુસાર, ઇઝરાયલે કહ્યું છે કે તે તમામ બંધકોની મુક્તિના બદલામાં યુદ્ધ સમાપ્ત કરવા માટે તૈયાર છે. યુએસ પ્રમુખપદની ચૂંટણીઓ વચ્ચે ઇઝરાયલને સમર્થન આપવા બદલ બિડેનની ઘણી ટીકા થઈ રહી છે. આ દરમિયાન વ્હાઇટ હાઉસના સ્ટેટ ડાઇનિંગ રૂમમાંથી તેમણે કહ્યું, ‘હવે યુદ્ધ સમાપ્ત કરવાનો સમય આવી ગયો છે.’

ગાઝા પટ્ટીમાં પ્રવેશતી ઇઝરાયલી ટેન્ક

યુદ્ધવિરામ બાઇડનના ચૂંટણી પ્રચારને જીવન આપશે
બાઇડને કહ્યું કે ઇઝરાયલે યુદ્ધ રોકવાનો પ્રસ્તાવ આપ્યો છે. હમાસ પણ યુદ્ધવિરામની માગ કરી રહ્યું છે. આ સમય તેમના માટે સાબિત કરવાનો છે કે તેઓ ખરેખર યુદ્ધવિરામ માટે તૈયાર છે. ન્યૂયોર્ક ટાઈમ્સ અનુસાર, હમાસ અને ઈઝરાયલ વચ્ચે કોઈપણ યુદ્ધવિરામ બાઇડનના ચૂંટણી પ્રચારમાં મહત્ત્વપૂર્ણ ભૂમિકા ભજવશે. આ તેમના વિલીન થતા ચૂંટણી પ્રચારને એક નવું જીવન આપશે.

બાઇડનનો ડર – ઇઝરાયલના નેતાઓ યુદ્ધવિરામમાં અવરોધ બનશે
ન્યૂયોર્ક ટાઈમ્સ અનુસાર, એવી પ્રબળ શક્યતા છે કે નેતન્યાહુ યુદ્ધવિરામ મુદ્દે પાછા જઈ શકે છે. છેલ્લા 7 મહિનાથી ચાલી રહેલા યુદ્ધમાં ઘણી વખત એવા પણ આવ્યા છે જ્યારે નેતન્યાહૂએ અમેરિકાની વાત ન સાંભળી.

બાઇડને પોતાના ભાષણમાં ઇઝરાયલના કેટલાક નેતાઓ તરફથી યુદ્ધવિરામ કરાર પર ખતરો હોવાનો ભય પણ વ્યક્ત કર્યો છે. તેમણે કહ્યું, હું જાણું છું કે ઈઝરાયલમાં કેટલાક લોકો એવા છે જે યુદ્ધવિરામ યોજનાને સ્વીકારશે નહીં. તેઓ ઇચ્છે છે કે યુદ્ધ હંમેશ માટે ચાલુ રહે. નેતન્યાહુની સરકારના કેટલાક લોકોએ સ્પષ્ટ કર્યું છે કે તેઓ ગાઝા પર કબજો કરવા માગે છે.

બાઇડને આ વાત એવા સમયે કહી જ્યારે નેતન્યાહૂની સરકારમાં કટ્ટરપંથી પક્ષના નેતા ઇઝરાયલના રાષ્ટ્રીય સુરક્ષા મંત્રી ઇટામર બેન ગ્વિરે કહ્યું કે જો હમાસના અંત વિના યુદ્ધ અટકશે તો તેઓ સરકાર પાસેથી સમર્થન પાછું ખેંચી લેશે. બેન ગ્વીર ઉપરાંત, ઇઝરાયલના રાષ્ટ્રીય સુરક્ષા સલાહકારે તાજેતરમાં દાવો કર્યો હતો કે યુદ્ધ વધુ એક વર્ષ સુધી ચાલુ રહેશે.

ઈઝરાયલ અને હમાસ વચ્ચે 3 તબક્કામાં યુદ્ધવિરામ થશે પ્રથમ તબક્કો 6 અઠવાડિયા સુધી ચાલશે. ગાઝાના વસ્તીવાળા વિસ્તારોમાંથી ઇઝરાયેલી દળોએ હમાસે મહિલા અને વૃદ્ધ ઇઝરાયલી બંધકોને મુક્ત કરવા પડશે. ઈઝરાયલ પોતાની જેલમાં બંધ પેલેસ્ટિનિયનને પણ મુક્ત કરશે, હમાસને સૈનિકો સહિત તમામ ઈઝરાયલી બંધકોને છોડી દેવા પડશે, ત્રીજા તબક્કામાં મૃત બંધકોના મૃતદેહ પરત કરવામાં આવશે ગાઝાના પુનઃનિર્માણ માટે 3 થી 5 વર્ષની યોજના શરૂ થશે.