ચીન મેદાનમાં ઉતર્યા વિના જ યુદ્ધ લડવાની તૈયાર: અમેરિકા, ભારતનો સામનો કરવા બાયોવેપન, AIની મદદ લઈ રહ્યું છે; બ્રેઇન વોરફેર યુનિટ બનાવ્યું

ચીનની સેના મેદાનમાં ઉતર્યા વિના પણ યુદ્ધ લડવાની તૈયારી કરી રહી છે. ભારત, અમેરિકા, ઓસ્ટ્રેલિયા જેવા દેશોનો મુકાબલો કરવા માટે સેના બાયોવેપન અને એઆઈની મદદ લઈ રહી છે. આ માટે ચીનની આર્મી પીપલ્સ લિબરેશન આર્મી (PLA)એ બ્રેઈન વોરફેર યુનિટ બનાવ્યું છે. આ યુનિટ એવા હથિયારોનો ઉપયોગ કરશે જેની મદદથી દુશ્મન સૈનિકોના મનને નિયંત્રિત કરી શકાય.

સંશોધન જૂથ CCP બાયોથ્રેટ્સ ઇનિશિયેટિવના અહેવાલમાં જણાવાયું છે કે બ્રેઈન વોરફેર યુનિટ ચીનની મનોવૈજ્ઞાનિક યુદ્ધ વ્યૂહરચનાનો એક ભાગ છે. આમાં, દુશ્મન પર મન-નિયંત્રિત હથિયારોથી હુમલો કરવામાં આવશે. PLA આ શસ્ત્રો બનાવવામાં મગજ-કોમ્પ્યુટર ઈન્ટરફેસ (આર્ટિફિશિયલ ઈન્ટેલિજન્સ) જેવી નવી ટેકનોલોજીનો ઉપયોગ કરી રહ્યું છે.

દુશ્મન સૈનિક ઊંઘી જશે
CCP બાયોથ્રેટ્સ ઈનિશિએટિવના એક રિપોર્ટ અનુસાર, કેટલાક હથિયારો દુશ્મનને ઊંઘમાં મૂકવાની ક્ષમતા ધરાવતા હશે. આ માનવ શરીરના જ્ઞાનાત્મક કાર્યને સીધી અસર કરશે. આનાથી દુશ્મન દેશના સૈનિકોની સતર્કતા ખલેલ પહોંચશે અને તેમને ઊંઘ આવવા લાગશે. આ માટે આ હથિયારો ઇલેક્ટ્રોમેગ્નેટિક એનર્જીનો ઉપયોગ કરશે. આ હથિયારો ‘સોફ્ટ કીલ રેડિયો વેવ્ઝ’નું ઉત્સર્જન કરશે, જેના કારણે દુશ્મન દેશના સૈનિકો ઊંઘવા લાગશે.

આ ચીન માટે ફાયદાકારક રહેશે કારણ કે ચીની સૈનિકો આ હથિયારથી પોતાને બચાવવા માટે એન્ટી સ્લિપ ચશ્માનો ઉપયોગ કરશે. આર્મી એવા ચશ્મા બનાવી રહી છે જેના પર આ હથિયારોથી અસર થતી નથી.

(ફાઇલ ફોટો)

સૈનિકોના વર્તનને નિયંત્રિત કરવાની તૈયારી
‘ધ સન’માં રિસર્ચ ગ્રુપના રિપોર્ટને ટાંકીને લખવામાં આવ્યું છે કે- ચીનની સેના પણ એક એવું મશીન બનાવી રહી છે જે મગજ અને બાહ્ય ટેક્નોલોજીને સીધું કનેક્ટ કરી શકે છે. આનાથી ચીનને જ્ઞાનાત્મક પ્રક્રિયાઓ અને કાર્યોને નિયંત્રિત કરવાની ક્ષમતા મળશે. સરળ શબ્દોમાં કહીએ તો આ મશીનથી સૈનિકોના વર્તનને નિયંત્રિત કરી શકાય છે.