નવી દિલ્હી34 મિનિટ પેહલા
- કૉપી લિંક
કેરળમાં PFIના 3 લાખ સમર્થકો અને 25 હજારથી વધુ સભ્યો હતા. NIAએ 22 સપ્ટેમ્બર 2022ના રોજ PFIના ઘણા સમર્થકોની અટકાયત કરી હતી.
ભારતમાં પ્રતિબંધિત સંગઠન પોપ્યુલર ફ્રન્ટ ઓફ ઈન્ડિયા (PFI) વિરુદ્ધ બે વર્ષ લાંબી EDની તપાસમાં નવા ખુલાસા સામે આવ્યા છે. EDએ શુક્રવારે કહ્યું કે PFIના સિંગાપુર અને ગલ્ફ દેશોમાં 13 હજારથી વધુ એક્ટિવ સભ્યો છે, જેમને કરોડો રૂપિયાનું ભંડોળ એકત્ર કરવાની જવાબદારી છે.
ન્યૂઝ એજન્સી ANI અનુસાર, PFIએ ખાડી દેશોમાં રહેતા પ્રવાસી મુસ્લિમ સમુદાય માટે ડિસ્ટ્રીક્ટ એક્ઝિક્યુટિવ કમિટીઓ બનાવી છે. આ કમિટીઓને ભંડોળ એકત્ર કરવાની જવાબદારી સોંપવામાં આવી હતી.
EDએ જણાવ્યું હતું કે વિદેશમાંથી એકત્ર કરાયેલા કરોડો રૂપિયાનું ભંડોળ અલગ-અલગ બેંકિંગ ચેનલો તેમજ હવાલા દ્વારા ભારતમાં મોકલવામાં આવ્યું હતું, જેથી આ ફંડને ટ્રેસ ન કરી શકાય. આ ફંડનો ઉપયોગ ભારતમાં બેઠેલા PFIના અધિકારીઓ અને આતંકવાદીઓ સુધી આતંકી ઘટનાઓને અંજામ આપવા માટે કરવામાં આવતો હતો.
સપ્ટેમ્બર 2022માં, NIA અને EDએ સમગ્ર દેશમાં PFIના ઠેકાણાઓ પર દરોડા પાડ્યા હતા. જેમાં PFI સાથે સંકળાયેલા ઘણા નેતાઓની ધરપકડ કરવામાં આવી હતી. તેમની સામે UAPA હેઠળ કાર્યવાહી કરવામાં આવી હતી. દરોડા પછી, કેન્દ્ર સરકારે 28 સપ્ટેમ્બર 2022ના રોજ PFI સંગઠન પર પ્રતિબંધ મૂક્યો હતો. ED ત્યારથી PFI સામે તપાસ કરી રહી છે.
EDની તપાસમાં 4 ખુલાસા
- તપાસમાં જાણવા મળ્યું છે કે PFIના ઉદ્દેશ્યો તેના બંધારણમાં દર્શાવેલ ઉદ્દેશ્યો કરતા અલગ છે. PFI પોતાને એક સામાજિક ચળવળ તરીકે રજૂ કરે છે, પરંતુ તપાસમાં જાણવા મળ્યું છે કે PFIનો ખરેખર ઉદ્દેશ્ય ભારતમાં જેહાદ દ્વારા ઇસ્લામિક આંદોલન ઉભુ કરવાનો છે.
- PFI દાવો કરે છે કે તે તેના ઉદ્દેશ્યોને હાંસલ કરવા માટે શાંતિપૂર્ણ અને અહિંસક પદ્ધતિઓનો ઉપયોગ કરશે, પરંતુ તપાસમાં જાણવા મળ્યું છે કે ફિઝિકલ શિક્ષણ વર્ગોની આડમાં, PFI મુક્કા, લાતો, છરીના હુમલા અને લાકડીથી હુમલા જેવી હિંસક પદ્ધતિઓનો પ્રેક્ટિસ કરાવી રહી હતી.
- દેશમાં હાજર PFI સ્થાનોમાંથી એક પણ PFI ના નામે રજિસ્ટર્ડ નથી. ફિઝિકલ એજ્યુકેશનના ક્લાસીસની જગ્યા પણ ડમી માલિકોના નામે રજિસ્ટર્ડ હતી.
- 2013માં કેરળના કન્નુર જિલ્લાના નારથ આર્મ્સ કેમ્પમાં PFIના ફિઝિકલ એજ્યુકેશન ક્લાસમાં વિસ્ફોટક અને હિંસક હથિયારોની તાલીમ આપવામાં આવી હતી. તેનો ઉદ્દેશ્ય વિવિધ ધર્મો વચ્ચે દુશ્મનાવટને પ્રોત્સાહન આપવાનો અને PFI સભ્યોને આતંકવાદી પ્રવૃત્તિઓ માટે તૈયાર કરવાનો હતો.
2 દિવસમાં 278 ધરપકડ કરવામાં આવી હતી
આ તસવીર 22 સપ્ટેમ્બર 2022ની છે, જેમાં NIAના દરોડાનો વિરોધ કરી રહેલા PFI સભ્યોને પોલીસ કસ્ટડીમાં લઈ રહી હતી.
NIA, ED અને રાજ્ય પોલીસે PFI અને તેની સાથે સંકળાયેલી સંગઠનો પર 22 અને 27 સપ્ટેમ્બરે મોટા પાયે દરોડા પાડ્યા હતા. 2 દિવસમાં 278ની ધરપકડ કરવામાં આવી હતી. તપાસ એજન્સીઓને PFI વિરુદ્ધ પૂરતા પુરાવા મળ્યા છે. જે બાદ આ કાર્યવાહી કરવામાં આવી હતી.
PFI પર 5 વર્ષના પ્રતિબંધના 3 કારણો
- PFIની પ્રવૃત્તિઓથી જોખમ: PFI અને તેની સાથે સંકળાયેલા સંગઠનો ગેરકાયદેસર પ્રવૃત્તિઓ ચલાવી રહ્યા હતા. આ પ્રવૃત્તિઓ દેશની એકતા, અખંડિતતા અને સુરક્ષા માટે જોખમી છે. તેમની પ્રવૃત્તિઓ દેશની શાંતિ અને ધાર્મિક સૌહાર્દ માટે પણ જોખમી બની શકે છે. આ સંગઠન ગુપ્ત રીતે દેશના એક વર્ગમાં એવી લાગણી પેદા કરી રહ્યું હતું કે દેશમાં અસુરક્ષા છે અને તેના દ્વારા તે કટ્ટરવાદને પ્રોત્સાહન આપી રહી હતી.
- PFIનો સિક્રેટ એજન્ડાઃ ગુનાહિત અને આતંકવાદી મામલાઓ પરથી સ્પષ્ટ થાય છે કે આ સંગઠને દેશની બંધારણીય શક્તિ પ્રત્યે અનાદર દર્શાવ્યો છે. તેને બહારથી મળી રહેલા ભંડોળ અને વૈચારિક સમર્થનને કારણે તે દેશની આંતરિક સુરક્ષા માટે મોટો જોખમી બની ગયો છે. PFI ખુલ્લેઆમ એક સામાજિક-આર્થિક, શૈક્ષણિક અને રાજકીય સંગઠન છે પરંતુ તે સમાજના ચોક્કસ વર્ગને કટ્ટરપંથી બનાવવાના તેના ગુપ્ત એજન્ડા પર કામ કરી રહી છે. આ દેશની લોકશાહીને ખતમ કરી રહ્યું છે. તે બંધારણીય માળખાનું સન્માન કરતું નથી.
- PFI ની મજબૂતાઈ માટેનું કારણ: PFI એ તેના સહયોગી બનાવ્યા, તેનો ઉદ્દેશ્ય યુવાનો, વિદ્યાર્થીઓ, મહિલાઓ, ઈમામો, વકીલો અને સમાજમાં નબળા વર્ગોમાં પ્રવેશ વધારવાનો હતો. આ પ્રવેશ વધારવા પાછળ PFIનો એકમાત્ર ઉદ્દેશ્ય તેની સદસ્યતા, પ્રભાવ અને ભંડોળ એકત્ર કરવાની ક્ષમતા વધારવાનો હતો. આ સંગઠનની વિશાળ પહોંચ અને ભંડોળ એકત્ર કરવાની ક્ષમતાનો ઉપયોગ PFI દ્વારા તેની ગેરકાયદેસર પ્રવૃત્તિઓને વિસ્તારવા માટે કરવામાં આવ્યો હતો. આ સહયોગી સંગઠનો અને મોરચાઓએ PFIના મૂળને મજબૂત કરવાનું ચાલુ રાખ્યું.
18 વર્ષ પહેલાં રચાયેલ PFI 23 રાજ્યોમાં ફેલાયેલું હતું વર્ષ 2006માં મનીથા નીતિ પસારાઈ (MNP) અને નેશનલ ડેવલપમેન્ટ ફંડ (NDF) નામના સંગઠને મળીને પોપ્યુલર ફ્રન્ટ ઈન્ડિયા (PFI)ની રચના કરી. આ સંગઠન શરૂઆતમાં માત્ર દક્ષિણ ભારતના રાજ્યોમાં જ એક્ટિવ હતું, પરંતુ હવે તે યુપી-બિહાર સહિત 23 રાજ્યોમાં ફેલાઈ ગયું છે.
