Related posts
2 કલાક પેહલા
- કૉપી લિંક
ઇલોન મસ્કે પોતાનો નવો AI બોટ લોન્ચ કર્યો છે. કંપની Grok 3ને પૃથ્વી પરની સૌથી સ્માર્ટ AI ગણાવી રહી છે. કંપનીએ દાવો કર્યો છે કે આ AI ગણિત, તર્ક અને વિજ્ઞાનની દૃષ્ટિએ અન્ય મોડલો કરતાં ઘણું સારું છે. Grok 3ને પ્રીમિયમ યુઝર્સ માટે લોન્ચ કરવામાં આવ્યું છે અને કંપનીએ કહ્યું હતું કે એનું API પણ ટૂંક સમયમાં રિલીઝ કરવામાં આવશે.
મસ્કે કહ્યું હતું કે આ AI મોડલને બે લાખ GPUની મદદથી ટ્રેઇન કરવામાં આવ્યું છે. તેમણે દાવો કર્યો હતો કે આ પૃથ્વી પરનું સૌથી સ્માર્ટ AI હશે. તમને જણાવી દઈએ કે AI વિશ્વમાં સ્પર્ધા વધુ તીવ્ર બની ગઈ છે. ખાસ કરીને ચાઇનીઝ મોડલોના લોન્ચિંગ સાથે જે અમેરિકન કંપનીઓ કરતાં ઓછા ખર્ચે પ્રોડક્ટસ તૈયાર કરી રહ્યા છે.
નવા AIમાં શું ખાસ છે? ઇલોન મસ્ક અને સેમ ઓલ્ટમેન વચ્ચે વધતી જતી સ્પર્ધાને ધ્યાનમાં લેતાં આ Grok 3 ખૂબ જ મહત્ત્વપૂર્ણ છે. મસ્કે તાજેતરમાં સેમ ઓલ્ટમેન અને OpenAIના બોર્ડને કંપની ખરીદવા માટે 97.4 અરબ ડોલરની ઓફર કરી હતી. જોકે સેમ અને OpenAI બોર્ડે આ ઓફર નકારી કાઢી. મસ્કે આ ઘટનામાં માત્ર એક અઠવાડિયામાં લેટેસ્ટ વર્ઝન લોન્ચ કર્યું છે.
બીજી મહત્ત્વની વાત એ છે કે સમગ્ર પ્રેઝન્ટેશનમાં મસ્કે OpenAIના GPT 4oને સૌથી નબળા AI તરીકે દર્શાવ્યું છે. તેમણે ગણિત, તર્ક કે વિજ્ઞાન દરેક શ્રેણીમાં Grok 3ની સરખામણીમાં GPT 4oને નબળા પર્ફોર્મર તરીકે દર્શાવ્યું છે. મસ્ક અને તેની ટીમનો દાવો છે કે Grok 3 અદ્યતન તર્ક ક્ષમતા પ્રદાન કરે છે, જે સમય જતાં સુધરશે.
મસ્કે કહ્યું હતું કે આપણે સર્જનાત્મકતાની શરૂઆત જોઈ રહ્યા છીએ. તમને જણાવી દઈએ કે લાઈવ ડેમોમાં જ મસ્કની ટીમે Grok 3ની મદદથી એક ગેમ પણ બનાવી હતી, જોકે એ એક બેઝિક ગેમ હતી. આ સાથે મસ્કે AI ગેમ ડેવલપર્સની પણ જાહેરાત કરી છે. કંપની એક AI ગેમ સ્ટુડિયો લોન્ચ કરશે. તમને જણાવી દઈએ કે Grok 3નું રિઝનિંગ મોડલ હજુ પણ બીટા વર્ઝનમાં છે. કંપનીએ એક મિની વર્ઝનની પણ જાહેરાત કરી છે.
લોન્ચ થયું Super Grok સબ્સ્ક્રિપ્શન તમે Xના પ્રીમિયમ પ્લાન સાથે તેના બીટા વર્ઝનનો ઉપયોગ કરી શકો છો. લેટેસ્ટ AI મોડલનો ઉપયોગ કરવા માટે તમારે X અપડેટ કરવાની જરૂર પડશે. આ ઉપરાંત કંપની એક અલગ સબ્સ્ક્રિપ્શન પ્લાન પણ લોન્ચ કરશે, જેનું નામ Super Grok હશે. આ સબ્સ્ક્રિપ્શન એવા લોકો માટે હશે, જેઓ પહેલા એડવાન્સ કેપેબિલિટી અને નવા ફિચર્સને ઇચ્છે છે. આ સબ્સ્ક્રિપ્શન Grok એપ અને Grok.com માટે હશે.
AI કંપની સાથે સંઘર્ષ ઈલોન મસ્ક દ્વારા આ જાહેરાત એવા સમયે કરવામાં આવી છે જ્યારે અન્ય AI પ્લેયર્સ સાથે તેમનો સંઘર્ષ ચાલી રહ્યો છે. તાજેતરમાં ટેસ્લાના સીઈઓ ઈલોન મસ્કે OpenAI ખરીદવાની ઓફર કરી હતી અને ત્યાર બાદ ઓપનએઆઈના સીઈઓ સેમ ઓલ્ટમેને એ ઓફરને નકારી કાઢી હતી. આ પછી બંને વચ્ચે ટકરાવ શરૂ થયો હતો.
OpenAIની ફાઉન્ડર ટીમનો ભાગ રહી ચૂક્યા છે ટેસ્લાના સીઇઓ ઈલોન મસ્ક પણ OpenAIની ફાઉન્ડર ટીમનો ભાગ રહી ચૂક્યા છે. OpenAIની શરૂઆત વર્ષ 2015માં થઈ હતી. આ પછી ઈલોન મસ્ક આ ટીમથી અલગ થઈ ગયા અને બાદમાં Grok નામનું પોતાનું AI પ્લેટફોર્મ વિકસાવવાની યોજના બનાવી. તેનો ઉપયોગ X પ્લેટફોર્મ (જૂનું નામ ટ્વિટર) પર સરળતાથી થઈ શકે છે.
DeepSeek અને ChatGPT સાથે સ્પર્ધા કરશે Grok 3ના લોન્ચ પછી AI ક્ષેત્રમાં સ્પર્ધા વધશે. Grok 3 લોકપ્રિયતાના રેકોર્ડ તોડવા માગશે. તાજેતરમાં ચીની સ્ટાર્ટઅપ DeepSeekએ તેની ઓછી કિંમતને કારણે લોકપ્રિયતા મેળવી છે. DeepSeek R1ની ChatGPT સાથે સ્પર્ધા હતી. હવે Grok 3 પણ આ રેસમાં જોડાશે.
