44 મિનિટ પેહલા
- કૉપી લિંક
પાકિસ્તાનના વડાપ્રધાન શાહબાઝ શરીફને મળવા ઈસ્લામાબાદ આવેલા જર્મન મંત્રી ગુસ્સે થઈ ગયા. હકીકતમાં થયું એવું કે, શહેબાઝ શરીફ જર્મનીના આર્થિક સહકાર અને વિકાસ મંત્રી સ્વાનિયા શૂલજાને તેમના સત્તાવાર નિવાસસ્થાને મળવા જઈ રહ્યા હતા.
શહબાઝ શરીફના નિવાસસ્થાને જતા પહેલા મંત્રીને પાકિસ્તાની સુરક્ષા અધિકારીઓએ રોક્યા અને તેમની બેગ ત્યાં જ છોડી દેવા કહ્યું. જેથી કરીને તેની તપાસ કરી શકાય. શૂલજાએ આમ કરવાની ના પાડી અને પાછા જવા લાગ્યા. જો કે, આ પછી સુરક્ષા અધિકારીઓએ તેમને તેમની બેગ સાથે અંદર જવા દીધા હતા.
આ દરમિયાન તેમની સાથે જર્મન એમ્બેસેડર આલ્ફ્રેડ ગ્રેનાસ પણ હાજર હતા. આ ઘટનાનો વીડિયો વાઇરલ થઈ રહ્યો છે. આ વીડિયોમાં પાકિસ્તાની ઓફિસરને એમ કહેતા સાંભળી શકાય છે કે આ પ્રોટોકોલ છે.
આ પછી સુરક્ષા અધિકારીઓએ શૂલજાને બેગ સાથે અંદર જવા દીધી, જ્યાં શહેબાઝ શરીફે તેમનું સ્વાગત કર્યું.
શૂલજા પણ એક ફોટોગ્રાફરને પોતાની સાથે મીટિંગમાં લઈ જવા માગતી હતી
જર્મન મીડિયા અનુસાર, શૂલજા એક ફોટોગ્રાફરને પોતાની સાથે લઈ જવા માગતી હતી, પરંતુ પાકિસ્તાની સુરક્ષા અધિકારીઓએ તેમ કરવાની ના પાડી. જ્યારે અધિકારીઓએ શૂલજાને તેની બેગ છોડવા કહ્યું, ત્યારે તે ગુસ્સે થઈ ગઈ.
આ પછી શૂલજાએ પાકિસ્તાનમાં જર્મન એમ્બેસેડર આલ્ફ્રેડ ગ્રેનાસ સાથે થોડો સમય આ બાબતે ચર્ચા કરી. ત્યાર બાદ બંને ત્યાંથી પાછા ફરવા લાગ્યા. જો કે, પાકિસ્તાની સત્તાવાળાઓએ મામલો સંભાળ્યો અને તેમને બેગ સાથે પીએમને મળવાની મંજૂરી આપી, જેનાથી પાકિસ્તાન અને જર્મની વચ્ચે રાજદ્વારી તણાવ ટાળ્યો.
યુરોપિયન યુનિયનમાં જર્મની પાકિસ્તાનનું સૌથી મોટું ભાગીદાર
યુરોપિયન યુનિયનમાં જર્મની પાકિસ્તાનનું સૌથી મોટું ભાગીદાર છે. 2021માં પાકિસ્તાન અને જર્મની વચ્ચે 3.5 અબજ યુરો (32 હજાર 636 કરોડ)નો વેપાર થયો હતો. પાકિસ્તાન જર્મનીને કાપડ, ચામડાનો સામાન, રમતગમતનો સામાન, શૂઝ અને તબીબી સાધનોની નિકાસ કરે છે.
આ સાથે તે મશીનરી, કેમિકલ અને ઇલેક્ટ્રિકલ સામાન, વાહનો અને લોખંડના સામાન માટે જર્મની પર નિર્ભર છે. આવી સ્થિતિમાં જ્યારે પાકિસ્તાન આર્થિક સંકટનો સામનો કરી રહ્યું છે. ત્યારે તેના માટે જર્મની સાથેના સંબંધો ખૂબ જ મહત્વપૂર્ણ છે.
