ગાઝા2 કલાક પેહલા
- કૉપી લિંક
પેલેસ્ટિનિયન આતંકવાદી સંગઠન હમાસે ગુરુવારે ચાર ઇઝરાયલી બંધકોના મૃતદેહ રેડ ક્રોસ એજન્સીને સોંપ્યા. આમાં શિરી બિબાસ અને તેના 2 બાળકો એરિયલ બિબાસ અને કફિર બિબાસનો સમાવેશ થાય છે.
7 ઓક્ટોબર, 2023ના રોજ જ્યારે હમાસ દ્વારા તેમને બંધક બનાવવામાં આવ્યા ત્યારે એરિયલ 4 વર્ષનો હતો અને કફિર 9 મહિનાનો હતો. બાળકોના પિતા, યાર્ડેન બિબાસને આ મહિનાની શરૂઆતમાં મુક્ત કરવામાં આવ્યા હતા.
ચોથી બોડી 83 વર્ષીય ઓડેડ લિફશિટ્ઝની છે. કિબુત્ઝ નીર ઓઝથી તેમનું પત્ની યોચેવેડ સાથે અપહરણ કરવામાં આવ્યું હતું. યોચેવેડને 24 ઓક્ટોબર, 2023ના રોજ હમાન દ્વારા મુક્ત કરવામાં આવ્યો હતો.
હમાસ શનિવારે 6 બંધકોને મુક્ત કરશે. આ અગાઉ નક્કી કરાયેલ સંખ્યા કરતાં બમણી છે. આ બંધકોના બદલામાં ઇઝરાયલ ઓક્ટોબર 2023થી ધરપકડ કરાયેલી 19 વર્ષથી ઓછી ઉંમરની તમામ મહિલાઓ અને પેલેસ્ટિનિયનોને મુક્ત કરશે. આ સાથે ઇઝરાયલ ઇજિપ્ત સરહદ દ્વારા ગાઝામાં કાટમાળ દૂર કરવાના મશીનો લઈ જવાની પરવાનગી આપશે.
હમાસે બંધકોના મૃતદેહોને કાળી શબપેટીઓમાં મૂકીને રેડ ક્રોસને સોંપ્યા.
હમાસની કેદમાં કફિર સૌથી નાની ઉંમરનો બંધક હતો જ્યારે કેફિરને બંદી બનાવવામાં આવ્યો ત્યારે તે માત્ર 9 મહિનાનો હતો. તે સમયે તે હમાસ દ્વારા પકડાયેલો સૌથી નાનો બંધક હતો. હમાસે નવેમ્બર 2023માં દાવો કર્યો હતો કે શિરી અને તેના બે બાળકો ઇઝરાયલી બોમ્બ ધડાકામાં માર્યા ગયા છે.
ત્યાર બાદ હમાસે એક વીડિયો બહાર પાડ્યો જેમાં યાર્ડન બિબાસ તેમના પરિવારના સભ્યોના મૃત્યુ માટે ઇઝરાયલી પીએમ નેતન્યાહૂને દોષી ઠેરવી રહ્યા હતા. જોકે, ઇઝરાયલે ક્યારેય હમાસના આ દાવાને સ્વીકાર્યો નહીં.
એક ઇઝરાયલી અધિકારીએ રોઇટર્સને જણાવ્યું હતું કે, મૃત બંધકોના નામ જાહેર કરવામાં આવે તે પહેલાં ઇઝરાયલમાં તેમની ઓળખ કરવામાં આવશે. આ મૃતદેહોને ફોરેન્સિક તપાસ માટે તેલ અવીવ સ્થિત અબુ કબીર ઇન્સ્ટિટ્યૂટ ઓફ ફોરેન્સિક મેડિસિન લઈ જવામાં આવશે.
યાર્ડન બિબાસ તેની પત્ની અને બાળકો સાથે.
અત્યાર સુધીમાં 6 વખત બંધકોની આપ-લે થઈ 19 જાન્યુઆરીના રોજ ઇઝરાયલ અને હમાસે બંધકોને મુક્ત કરવા માટે યુદ્ધવિરામ પર હસ્તાક્ષર કર્યા. બંધકોને ત્રણ તબક્કામાં મુક્ત કરવામાં આવશે. પ્રથમ તબક્કા હેઠળ 33 ઇઝરાયલી બંધકોને મુક્ત કરવામાં આવનાર છે. આમાંથી, અત્યાર સુધીમાં 1,100થી વધુ પેલેસ્ટિનિયન કેદીઓના બદલામાં 19 બંધકોને મુક્ત કરવામાં આવ્યા છે. ઇઝરાયલ કહે છે કે બાકીના 14માંથી આઠ મૃત્યુ પામ્યા છે.
ગયા મહિને અમલમાં આવેલા યુદ્ધવિરામ કરાર હેઠળ બંધકો અને પેલેસ્ટિનિયન કેદીઓની છ વખત અદલાબદલી કરવામાં આવી છે.
ગયા શનિવારે ઇઝરાયલે ટી-શર્ટ પહેરેલા 369 પેલેસ્ટિનિયન કેદીઓને મુક્ત કર્યા. જ્યારે હમાસે 3 ઇઝરાયલી બંધકોને મુક્ત કર્યા.
યુદ્ધવિરામ કરાર ત્રણ તબક્કામાં પૂર્ણ થઈ રહ્યો છે ઇઝરાયલ અને પેલેસ્ટાઇન વચ્ચે કેદીઓના વિનિમય માટેનો આ સોદો ત્રણ તબક્કામાં પૂર્ણ થશે. આમાં, બંધકોની આપ-લે 42 દિવસ માટે કરવામાં આવશે.
પ્રથમ તબક્કો:
- ગાઝામાં 19 જાન્યુઆરીથી 1 માર્ચ સુધી સંપૂર્ણ યુદ્ધવિરામ રહેશે. હમાસ 33 ઇઝરાયલી બંધકોને મુક્ત કરશે. ઇઝરાયલ દરરોજ પોતાના એક બંધકના બદલામાં 33 પેલેસ્ટિનિયન કેદીઓને મુક્ત કરશે. દરેક ઇઝરાયલી મહિલા સૈનિક માટે 50 પેલેસ્ટિનિયન કેદીઓને મુક્ત કરવામાં આવશે.
બીજો તબક્કો:
- એવું કહેવામાં આવ્યું હતું કે જો પહેલા તબક્કાના 16મા દિવસ સુધી એટલે કે 3 ફેબ્રુઆરી સુધી બધું બરાબર રહ્યું, તો બીજા તબક્કાની યોજના પર ચર્ચા શરૂ થશે. આ સમય દરમિયાન કોઈ હુમલો થશે નહીં. બાકીના જે બંધકો જીવિત છે તેમને મુક્ત કરવામાં આવશે. જોકે, હજુ સુધી વાટાઘાટો શરૂ થઈ નથી.
- ઇઝરાયલ 1,000 પેલેસ્ટિનિયન કેદીઓને મુક્ત કરશે, જેમાંથી લગભગ 190 કેદીઓને 15 વર્ષથી વધુ સમયથી સજા ફટકારવામાં આવી છે.
ત્રીજો તબક્કો:
- આ સોદાના છેલ્લા તબક્કામાં ગાઝાનું પુનર્વસન કરવામાં આવશે. આમાં 3થી 5 વર્ષ લાગશે. હમાસની કેદમાં માર્યા ગયેલા બંધકોના મૃતદેહો પણ ઇઝરાયલને સોંપવામાં આવશે.
