તેલ અવીવ/રામલ્લાહ3 કલાક પેહલા
- કૉપી લિંક
હમાસ આજે ચાર ઇઝરાયલી બંધકોને મુક્ત કરશે. તમામના નામ જાહેર કરવામાં આવ્યા છે. જે બંધકોને મુક્ત કરવામાં આવશે તે તમામ મહિલાઓ છે. તેમના નામ છે કેરિના એરીવ, નામા લેવિસ, લીરી અલાબાગ અને ડેનિએલા ગિલબોઆ છે. તેના બદલામાં ઇઝરાયલ લગભગ 50 પેલેસ્ટિનિયન કેદીઓને મુક્ત કરશે.
આ પહેલા રવિવારે યુદ્ધવિરામના પહેલા દિવસે ઇઝરાયલે 90 પેલેસ્ટાઈન કેદીઓને મુક્ત કર્યા હતા. તેમજ, હમાસે ઇઝરાયલની 3 મહિલા બંધકોને મુક્ત કરી હતી. તેમના નામ રોમી ગોનેન, એમિલી ડામરી અને ડોરોન સ્ટીનબ્રેચર હતા.
આ દરમિયાન, ગાઝામાં બંધક બનેલા લોકોના સંબંધીઓએ ઇઝરાયલના વડાપ્રધાન બેન્જામિન નેતન્યાહુને બાકીના તમામ બંધકોને મુક્ત કરવા અપીલ કરી છે.
5 દિવસ પહેલા બનેલા બંધકોને મુક્ત કરવા સંબંધિત તસવીરો…
રોમી ગોનેન ઉપર, એમિલી ડામરી (નીચે ડાબે) અને ડોરોન સ્ટીનબ્રેચર (નીચે જમણે)
હમાસની કેદમાંથી મુક્ત થયા બાદ એમિલી ડામરી તેના પરિવારને મળવા હોસ્પિટલ ગઈ હતી.
વેસ્ટ બેંકમાં પેલેસ્ટિનિયન કેદીઓ સાથે પરત ફરી રહેલી બસને લોકોએ ઘેરી લીધી હતી.
આ તસવીર PFLPના નેતા ખાલિદા જરારની છે, જેને ઈઝરાયેલની કેદમાંથી મુક્ત કરવામાં આવી છે.
પેલેસ્ટિનિયન કેદીઓને વેસ્ટ બેંકના શહેર રામલ્લામાં મોકલવામાં આવ્યા હતા.
ઇઝરાયલ લગભગ 700 પેલેસ્ટિનિયન કેદીઓને મુક્ત કરશે યુદ્ધવિરામ ડીલ 3 તબક્કામાં પૂર્ણ થશે. પ્રથમ તબક્કામાં હમાસ ઇઝરાયલમાંથી અપહરણ કરાયેલા 33 બંધકોને મુક્ત કરશે. તેમજ ઇઝરાયલની સેના ગાઝા બોર્ડરથી 700 મીટર દૂર પાછળ હટશે. ઇઝરાયલના ન્યાય મંત્રાલયે 95 પેલેસ્ટિનિયન કેદીઓની યાદી પણ જાહેર કરી છે જેમને પ્રથમ તબક્કામાં મુક્ત કરવામાં આવશે. જેમાં 69 મહિલાઓ, 16 પુરૂષો અને 10 સગીરોનો સમાવેશ થાય છે.
ઇઝરાયલ 700થી વધુ પેલેસ્ટાઈન કેદીઓને મુક્ત કરશે. તેમના નામની યાદી પણ જાહેર કરવામાં આવી છે. આ યાદીમાં સામેલ ઘણા લોકો હમાસ અને પેલેસ્ટિનિયન ઈસ્લામિક જેહાદના સભ્યો સહિત હત્યાના આરોપમાં આજીવન કેદની સજા ભોગવી રહ્યા છે.
હમાસ 7 ઓક્ટોબર, 2023ના રોજ ઇઝરાયલમાં ઘુસીને 1200 લોકોની હત્યા કરી અને 251 લોકોને બંધક બનાવ્યા હતા. તેના થોડા કલાકો બાદ ઇઝરાયલની સેનાએ ગાઝા પર હુમલો કર્યો હતો.
યુદ્ધવિરામ ડીલ ત્રણ તબક્કામાં પૂર્ણ થશે
15 જાન્યુઆરીએ જો બાઇડને કહ્યું કે આ ડીલ 19 જાન્યુઆરી એટલે કે રવિવારથી ત્રણ તબક્કામાં શરૂ થશે. આમાં 42 દિવસ સુધી બંધકોની આપ-લે કરવામાં આવશે.
પ્રથમ તબક્કો:
- ગાઝામાં 19 જાન્યુઆરીથી 1 માર્ચ સુધી સંપૂર્ણ યુદ્ધવિરામ રહેશે. હમાસ ઇઝરાયલના 33 બંધકોને મુક્ત કરશે. ઇઝરાયલ તેના એક બંધકના બદલામાં દરરોજ 33 પેલેસ્ટિનિયન કેદીઓને મુક્ત કરશે. દરેક ઇઝરાયલ મહિલા સૈનિક માટે, 50 પેલેસ્ટિનિયન કેદીઓને મુક્ત કરવામાં આવશે.
બીજો તબક્કો:
- જો પ્રથમ તબક્કાના 16મા દિવસે એટલે કે 3જી ફેબ્રુઆરી સુધી બધું બરાબર રહેશે તો બીજા તબક્કાની યોજના પર વાતચીત શરૂ થશે. આ દરમિયાન કોઈ હુમલો કરવામાં આવશે નહીં. બચી ગયેલા બાકીના બંધકોને મુક્ત કરવામાં આવશે.
- ઇઝરાયલ 1,000 પેલેસ્ટિનિયન કેદીઓને મુક્ત કરશે, જેમાં લગભગ 190 જેઓ 15 વર્ષથી વધુ સમયથી સજા ભોગવી રહ્યા છે.
ત્રીજો તબક્કો:
- આ ડીલના છેલ્લા તબક્કામાં ગાઝાનું પુનર્વસન કરવામાં આવશે. આમાં 3 થી 5 વર્ષનો સમય લાગશે. હમાસ દ્વારા માર્યા ગયેલા બંધકોના મૃતદેહો પણ ઇઝરાયલને સોંપવામાં આવશે.
આ ડીલ અંગે કતારમાં કેટલાય અઠવાડિયાથી ચર્ચા ચાલી રહી હતી
કતારની રાજધાની દોહામાં છેલ્લા ઘણા અઠવાડિયાથી યુદ્ધવિરામ માટેની વાટાઘાટો ચાલી રહી હતી. આ વાતચીતમાં ઈજિપ્ત અને અમેરિકા પણ સામેલ હતા. અલ જઝીરાના અહેવાલ મુજબ, કતારના પીએમ શેખ મોહમ્મદે બુધવારે હમાસ અને ઇઝરાયલના પ્રતિનિધિઓ સાથે મુલાકાત કરી, ત્યારબાદ આ ડીલ પૂર્ણ થઈ.
પ્રથમ તબક્કાના બંધકોને મુક્ત કર્યાના 15 દિવસ બાદ હમાસ બાકીના બંધકોને મુક્ત કરશે. આ દરમિયાન બંને પક્ષો કાયમી યુદ્ધવિરામ અંગે વાત કરશે.
