હિઝબુલ્લાએ કહ્યું- યુદ્ધ થશે તો ઇઝરાયલનો કોઈ ખૂણો નહીં છોડીએ: જમીન, હવા, પાણી, ચારે બાજુથી હુમલો કરીશું, સાયપ્રસને પણ યુદ્ધની ધમકી આપી

હિઝબુલ્લાના વડા હસન નસરલ્લાહે કહ્યું છે કે તેઓ કોઈપણ નિયમો અને મર્યાદા વિના યુદ્ધ લડવા માટે તૈયાર છે.

​​​​​​લેબનાનના આતંકવાદી સંગઠન હિઝબુલ્લાહના વડા હસન નસરલ્લાહે બુધવારે ઇઝરાયલને ચેતવણી આપી હતી. નસરલ્લાહે કહ્યું કે જો ઇઝરાયલ સાથે યુદ્ધ થશે તો ત્યાં એક પણ ખુણો સુરક્ષિત નહીં રહે. આ સિવાય નસરલ્લાહે સાયપ્રસ પર હુમલો કરવાની પણ ધમકી આપી છે.

નસરાલ્લાહે કહ્યું કે જો ઇઝરાયલ હુમલો કરશે તો અમે તેમના પર જમીન, હવા અને પાણી ચારે બાજુથી હુમલો કરીશું. તેના કારણે ભૂમધ્ય સમુદ્ર પણ જોખમમાં આવી શકે છે. હિઝબુલ્લાહ કોઈપણ નિયમો અને મર્યાદા વિના લડવા માટે તૈયાર છે. અમારા દુશ્મનો જાણે છે કે તેમની કોઈપણ જગ્યા અમારા રોકેટથી સુરક્ષિત રહેશે નહીં.

સાયપ્રસને યુદ્ધની ધમકી આપતાં નસરલ્લાહે કહ્યું કે તેણે યુદ્ધ દરમિયાન ઇઝરાયલને તેના એરપોર્ટ અને લશ્કરી મથકનો ઉપયોગ કરવાની મંજૂરી આપી છે. જો તેણે લેબનોન પર હુમલો કરવામાં ઇઝરાયલને મદદ કરી તો પણ હિઝબુલ્લાહ તેને યુદ્ધનો એક ભાગ ગણશે. આ પછી તેને પણ હિઝબુલના હુમલાઓનો સામનો કરવો પડશે.

નસરલ્લાહના ભાષણ પછી, સાયપ્રસના રાષ્ટ્રપતિએ કહ્યું કે તેમનો દેશ કોઈપણ રીતે યુદ્ધનો ભાગ નથી. સાયપ્રસ યુદ્ધમાં નહીં પરંતુ તેનો ઉકેલ શોધવાના અભિયાનમાં સામેલ છે.

ઇઝરાયલના સૈન્ય પ્રવક્તા એડમિરલ ડેનિયલ હગારીએ કહ્યું કે હમાસને ખતમ કરવું એ લોકોની આંખોમાં ધૂળ નાંખવા સમાન છે.

ઇઝરાયલની સેનાએ કહ્યું- હમાસ એક વિચારધારા છે, તેને યુદ્ધ દ્વારા ખતમ કરી શકાશે નહીં
બીજી તરફ ઇઝરાયલ ડિફેન્સ ફોર્સ (IDF)ના પ્રવક્તા એડમિરલ ડેનિયલ હગારીએ કહ્યું છે કે અમારું યુદ્ધ હમાસને ખતમ કરવા માટે પૂરતું નથી. હમાસને ખતમ કરવાનો વિચાર ઇઝરાયલીઓની આંખમાં ધૂળ નાખવા જેવું છે. હમાસ એક વિચારધારા છે. તે પેલેસ્ટિનિયનોના હૃદયમાં વસે છે. કોઈપણ જે વિચારે છે કે તે હમાસનો નાશ કરી શકે છે તે ખોટું છે.

હગારીએ ચેતવણી આપી હતી કે જો સરકાર ઝડપથી બીજો વિકલ્પ નહીં શોધે તો હમાસ હંમેશા અમારી વચ્ચે રહેશે. તેના જવાબમાં નેતન્યાહૂની ઓફિસે એક નિવેદન જાહેર કરીને કહ્યું કે યુદ્ધમાં અમારું એક લક્ષ્ય હમાસની સૈન્ય ક્ષમતાને નષ્ટ કરવાનું છે. IDF આ માટે પ્રતિબદ્ધ છે. આ સિવાયનું કોઈપણ નિવેદન ધ્યેયથી ભટકવા જેવું ગણાશે.

ઇઝરાયલમાં 9 મહિના અને 6 દિવસ પછી યુદ્ધ કેબિનેટનું વિસર્જન થયું
આ પહેલા 17 જૂને નેતન્યાહૂએ હમાસને ખતમ કરવા માટે રચાયેલ યુદ્ધ કેબિનેટનું વિસર્જન કર્યું હતું. 7 ઓક્ટોબર 2023ના રોજ હમાસના હુમલા બાદ 11 ઓક્ટોબરે કેબિનેટની રચના કરવામાં આવી હતી. કેબિનેટનું વિસર્જન કરતી વખતે નેતન્યાહૂએ કહ્યું હતું કે અમે ઘણા નિર્ણયો લીધા છે જેની સાથે સેના સહમત નથી.

ખરેખરમાં નેતન્યાહુના નેતૃત્વમાં રચાયેલી યુદ્ધ કેબિનેટમાં ઘણા સમયથી મતભેદો હતા. આ કારણે કેબિનેટ સભ્ય બેની ગેન્ટ્ઝે પણ રાજીનામું આપી દીધું છે. તેણે ગાઝા યુદ્ધમાં બંધક સોદાને લઈને પીએમ નેતન્યાહૂના ખોટા વલણને આનું કારણ આપ્યું. ગેન્ટ્ઝે આરોપ લગાવ્યો હતો કે નેતન્યાહુના કારણે હમાસનો ખાતમો થઈ રહ્યો નથી. એટલા માટે તે યુદ્ધ કેબિનેટ છોડી રહ્યા છે.

નેતન્યાહુની ગઠબંધન સરકારમાં સમાવિષ્ટ કટ્ટરપંથી પક્ષોના નેતાઓ નવા યુદ્ધ કેબિનેટની માંગ કરી રહ્યા છે. બેન ગ્વિરને આમાં સામેલ કરવાનું કહેવામાં આવી રહ્યું છે. ગ્વિર હાલમાં ઇઝરાયલના ઈન્ટીરિયર સુરક્ષા મંત્રી છે. તેના પર પેલેસ્ટાઈન વિરોધી હોવાનો આરોપ છે.

યુદ્ધ કેબિનેટના વિસર્જન માટેનું કારણ