ગાઝામાં ગમે ત્યારે સીઝફાયર: હમાસે કહ્યું- 24થી 48 કલાકમાં નિર્ણય લઈશું; અમેરિકાએ કહ્યું- ઇઝરાયલ 6 અઠવાડિયા સુધી હુમલો નહીં કરે

હમાસનો દાવો છે કે ગાઝામાં ઇઝરાયલના હુમલાને કારણે અત્યાર સુધીમાં 30 હજાર પેલેસ્ટિનિયન માર્યા ગયા છે. (ફાઈલ)

ઇઝરાયલ અને હમાસ વચ્ચે 7 ઓક્ટોબર, 2023થી ચાલી રહેલા યુદ્ધમાં બીજી વખત સીઝફાયરની અપેક્ષા છે. આ માટે કાહિરામાં વાતચીત ચાલી રહી છે. CNNએ એક અમેરિકન ઓફિસરને ટાંકીને કહ્યું- ઇઝરાયલ 6 અઠવાડિયા સુધી હુમલા રોકવા માટે તૈયાર છે.

બીજી તરફ, બ્રિટિશ અખબાર ‘ધ સન’એ હમાસના એક નેતાને ટાંકીને કહ્યું છે કે સીઝફાયરની શરતો વિચારણાના અંતિમ તબક્કામાં છે. 24 થી 48 કલાકમાં નિર્ણય લેવામાં આવશે તેવી આશા છે. 7 દિવસનો પ્રથમ સીઝફાયર નવેમ્બરમાં થયું હતું.

હમાસના કબજા હેઠળના ગાઝાના સ્વાસ્થ્ય મંત્રાલયના જણાવ્યા અનુસાર ઇઝરાયલના હુમલામાં અત્યાર સુધીમાં 30 હજાર લોકો માર્યા ગયા છે.

ઇઝરાયલના વડાપ્રધાન બેન્જામિન નેતન્યાહુએ પેરિસમાં તૈયાર કરેલા ડ્રાફ્ટને મંજૂરી આપી દીધી છે. જો કે, સત્તાવાર રીતે કંઈ કહેવામાં આવ્યું નથી. (ફાઈલ)

હવે હમાસે નિર્ણય લેવાનો છે

હમાસના નેતા ઈસ્માઈલ હાનિયા ગયા અઠવાડિયે કતારમાં સંગઠનના બાકીના નેતાઓને મળ્યા હતા. આ પછી, સીઝફાયર પર વાતચીત ઝડપથી થઈ. (ફાઈલ)

પેરિસથી દોહા અને હવે કાહિરા
અહેવાલો અનુસાર, કતાર અને ઇજિપ્તના અધિકારીઓએ દોહામાં હમાસ નેતાઓ સાથે મુલાકાત કરી હતી. આ પછી પેરિસમાં સીઝફાયરનો ડ્રાફ્ટ તૈયાર કરવામાં આવ્યો હતો. ઇઝરાયલ આ માટે તૈયાર હતું. આખરે આ ડ્રાફ્ટ કાહિરામાં હમાસને સોંપવામાં આવ્યો હતો અને તેના પર જલ્દી નિર્ણય લેવા માટે કહેવામાં આવ્યું હતું. ઇઝરાયલે ખાતરી આપી હતી કે તે ઘણા પેલેસ્ટિનિયન કેદીઓને મુક્ત કરવા તૈયાર છે.
ઇઝરાયલે કહ્યું છે કે તે ઘાયલ, વૃદ્ધો અને મહિલાઓને મુક્ત કરશે. આ ઉપરાંત 18 વર્ષથી નીચેના બાળકોને પણ મુક્ત કરવામાં આવશે.

7 ઓક્ટોબર, 2023ના રોજ, હમાસે ઇઝરાયલના સરહદી વિસ્તારમાં આવેલા શહેરો પર હુમલો કર્યો હતો. 1200 લોકો માર્યા ગયા. 234ને બંધક બનાવ્યા હતા. નવેમ્બરમાં 103 લોકોને મુક્ત કરવામાં આવ્યા છે. બાકીના હમાસની કેદમાં છે.

રવિવારે અમેરિકાએ ગાઝા વિસ્તારમાં પેરાશૂટ દ્વારા ફૂડ પેકેટ નાંખ્યા હતા.

સીઝફાયરની શરતો
બ્રિટિશ અખબાર ‘ધ સન’એ સૂત્રોને ટાંકીને સીઝફાયરની શરતો વિશે માહિતી આપી છે. જે આ પ્રમાણે છે…