તેલ અવીવ/ધ હેગ3 કલાક પેહલા
- કૉપી લિંક
ઈન્ટરનેશનલ કોર્ટ ઓફ જસ્ટિસમાં ઇઝરાયલ વિરુદ્ધ નરસંહારના કેસમાં શુક્રવારે બીજા દિવસે સુનાવણી થઈ. આ કેસ દક્ષિણ આફ્રિકા દ્વારા દાખલ કરવામાં આવ્યો છે. ઇઝરાયલે પોતાના બચાવમાં કહ્યું- દુનિયા સામે એકતરફી તથ્યો રજૂ કરવામાં આવી રહ્યા છે, જુઠ્ઠાણું રજૂ કરવામાં આવી રહ્યું છે.
બીજી તરફ જર્મનીએ ઇઝરાયલનો બચાવ કર્યો છે. જર્મનીએ કહ્યું- જો કોઈ તમારા દેશમાં ઘૂસીને વારંવાર હુમલો કરે છે તો જવાબ આપવો જરૂરી બની જાય છે. હમાસે ઇઝરાયલમાં હજારો લોકોની હત્યા કરી હતી.
ઇઝરાયલ પોતાનો બચાવ કરશે
હેગ, નેધરલેન્ડમાં ICJની સુનાવણી દરમિયાન શુક્રવારે ઇઝરાયલી પક્ષે દલીલો રજૂ કરી હતી. ઇઝરાયલના કાનૂની સલાહકાર તાલ બેકરે કહ્યું- આપણે એવા યુગમાં જીવી રહ્યા છીએ જ્યાં શબ્દોનું મહત્ત્વ ઘટી રહ્યું છે. સોશિયલ મીડિયા પર જુઠ્ઠાણું ફેલાવવામાં આવી રહ્યું છે. કેટલાક લોકો આ ઘટનાનો ખોટો ફાયદો ઉઠાવી રહ્યા છે. દક્ષિણ આફ્રિકાએ પણ વિશ્વ સમક્ષ માત્ર જુઠ્ઠાણા રજૂ કર્યા છે.
બેકરે કહ્યું- દક્ષિણ આફ્રિકાએ જાણી જોઈને સત્ય રજૂ કરવાનો ઇનકાર કર્યો છે. કાયદા દ્વારા વિશ્વને ગેરમાર્ગે દોરવાના પ્રયાસો થઈ રહ્યા છે. શું સાઉથ આફ્રિકા ઑક્ટોબર 7ના રોજ ઇઝરાયલમાં પ્રવેશ કરીને હમાસે જે પણ કર્યું તેને યોગ્ય ઠેરવવાનો પ્રયાસ કરી રહ્યો છે? એવી ઘણી શક્તિઓ છે જે ઇઝરાયલ વિરુદ્ધ ષડયંત્ર રચી રહી છે અને આ માટે કાયદા અને મીડિયાની મદદ લેવામાં આવી રહી છે.
હેગમાં ઇઝરાયલના સમર્થનમાં લોકો બેનર લઈને પહોંચ્યા હતા.
જર્મનીએ કહ્યું- કોઈ નરસંહાર થઈ રહ્યો નથી
- સાઉથ આફ્રિકાના ઇઝરાયલ પરના આરોપો સામે જર્મનીએ પણ અવાજ ઉઠાવ્યો છે. જર્મન સરકારે સ્પષ્ટ કર્યું છે કે ઇઝરાયલ પર લગાવવામાં આવેલા આરોપો સંપૂર્ણપણે ખોટા છે અને તે તેમની વિરુદ્ધ પુરાવા પણ રજૂ કરશે.
- જર્મન સરકારના પ્રવક્તા સ્ટેફન હેબેસ્ટ્રેટે કહ્યું- 7 ઓક્ટોબરે ઇઝરાયલ વિરુદ્ધ જે થયું તેની વાત કેમ નથી થઈ રહી? આ વખતે યુદ્ધ કોણે શરૂ કર્યું? તમારા દેશ પર હુમલો થાય, મહિલાઓ પર બળાત્કાર થાય, બાળકોનું અપહરણ થાય તો તમે ચૂપ રહેશો? દક્ષિણ આફ્રિકાએ આરોપ લગાવતા પહેલા આ બાબતો વિશે વિચારવું જોઈતું હતું.
- સ્ટીફને આગળ કહ્યું- આજે ઇઝરાયલ જે કંઈ પણ કરી રહ્યું છે તે વાસ્તવમાં પોતાની સુરક્ષા માટે છે. આપણે પણ હમાસ જેવા આતંકનો સામનો કર્યો છે. બધાએ હોલોકોસ્ટ પણ જોયો છે. સત્ય એ છે કે આ મામલો મંત્રણા દ્વારા ઉકેલી શકાયો હોત, પરંતુ હમાસે આવું થવા દીધું ન હતું.
